Yer va suv soliqlari

Mavzu:YER QA'RIDAN FOYDALANUVCHILAR UCHUN SOLIQLAR VA MAXSUS TO'LOVLAR. SUV RESURSLARDAN FOYDANLANGANLIK UCHUN SOLIQ Reja: 1. Yer qa'ridan foydalanganlik uchun soliq to'lovchilari va soliq solish obyekti 2. Yer qa'ridan foydalanganlik uchun soliqni hisoblab chiqarish, hisob-kitoblarni taqdim etish va to'lash tartibi 3. Qo'shimcha foyda solig'i va bonuslar 4. Suv resurslaridan foydalanuvchilar uchun soliq to'lovchilari va soliq solish obyektlari. 5. Suv resurslaridan foydalanuvchilar uchun soliq stavkalari va imtiyozlari. 6. Suv resurslaridan foydalanganlik uchun soliq hisoblash va tulash tartibi. Tayanch iboralari: Yer osti suvlari, yer usti suvlari, suv xavzalari, Suvakova, suv o'lchagichlar, yer qa'ri, foydali qazilmalar, uglevodlar, qimmatbaho metallar va toshlar, texnogen mineral hosilalari, oltin, kumush, temir, qo'shimcha foyda solig'i, imtiyozli va tijoratbop topilma bonuslari. 1. Suv resurslaridan foydalanuvchilar uchun soliq to'lovchilari va soliq solish obyektlari Suv resurslaridan foydalanganlik uchun soliqni to'lovchilar quyidagilardir: - O'zbekiston Respublikasi hududida suvdan foydalanishni amalga oshiruvchi yuridik shaxslar; - tadbirkorlik faoliyati uchun suvdan foydalanuvchi yakka tartibdagi tadbirkorlar; - yuridik shaxs tashkil etgan va tashkil yetmagan holda tuzilgan dehqon xo'jaliklari. Aholi punktlarining suv ta'minoti uchun suv yetkazib berishni amalga oshiruvchi yuridik shaxslar faqat o'z ehtiyojlariga ishlatiladigan suv uchun suv resurslaridan foydalanganlik uchun soliqni to'lovchidir. Quyidagilar suv resurslaridan foydalanganlik uchun soliq to'lovchilar bo'lmaydi: - notijorat tashkilotlar. Notijorat tashkilotlar tadbirkorlik faoliyatini amalga oshirgan taqdirda tadbirkorlik faoliyatida foydalaniladigan suv hajmlari bo'yicha suv resurslaridan foydalanganlik uchun soliqni to'lovchi bo'ladi. - O'z faoliyatida suvdan foydalanuvchi yuridik shaxslar, dehqon xo'jaliklari (yuridik shaxs tashkil etadigan va yuridik shaxs tashkil etmaydigan) hamda tadbirkorlik faoliyatini amalga oshirishda suvdan foydalanuvchi yakka tartibdagi tadbirkor jismoniy shaxslar suv resurslaridan foydalanganlik uchun soliq ...