Yuridik shaxslarni soliqqa tortish fanining boshqa fanlar bilan bog'liqligi

«Yuridik shaxslarni soliqqa tortish» fanining boshqa fanlar bilan bog'liqligi «Yuridik shaxslarni soliqqa tortish» fani yuridik shaxslardan olinadigan soliqlarning harakatini va yuridik shaxslarni soliqqa tortish mexanizmini chuqur o'rganish asosida xulosa qilib olingan, takrorlanib turadigan munosabatlarni tartibga solib o'rgatadi. «Yuridik shaxslarni soliqqa tortish» fani «Soliq tarixi va nazariyasi» fani bilan chambarchas bog'liqdir. Chunki yuridik shaxslardan olinadigan soliq nazariyasi qonuniyatlari va soliqqa tortish tamoyillaridan chetga chiqib ketaolmaydi, ularga asoslanadi. Bu fan moliya fani bilan ham chambarchas bog'liqdir.Chunki yuridik shaxslardan olinadigan soliqlar moliya munosabatlarining tarkibiga kiradi. Shuning uchun moliya ham, yuridik shaxslar soliqlari ham pul munosabatlarini ifodalaydi. Bu ikkala fan uchun yagona asos pul munosabatlarining mavjudligidir. Lekin yuridik shaxslardan undiriladigan soliqlar keyinchalik o'ziga xos bo'lgan pul munosabatlarini, yani soliq to'lovchilar bilan davlat o'rtasidagi majburiy pul munosabatlarini ifodalaydi. Shuningdek, «Yuridik shaxslarni soliqqa tortish» fani bakalavriat ta'lim yo'nalishidagi «Soliq tarixi va nazariyasi», «Moliya», «Buxgalteriya hisobi», «Davlat byudjeti», «Iqtisodiyot nazariyasi», «Iqtisodiy ta'limotlar tarixi», «Makroiqtisodiyot», «Moliya huquqi», «Soliq huquqi», «Moliyaviy menejment», «Soliq statistikasi va prognozi», «Moliyaviy va boshqaruv hisobi» va «Chet el mamlakatlari soliq tizimi» va boshqa fanlar bilan o'zaro bog'liqdir. ...