Davlat maqsadli jamg'armalarga majburiy to'lovlar

Davlat maqsadli jamg'armalarga majburiy to'lovlar Reja: 12.1. Yagona ijtimoiy to'lovni to'lovchilari, to'lov obyekti, bazasi hamda to'lovdan chegirmalar. 12.2. Yagona ijtimoiy to'lovni hisoblab chiqarish va to'lash tartibi. 12.3. Avtotransport yig'imlarining turlari, to'lovchilar, soliq solish obyekti va bazasi. 12.4. Yig'imlar stavkasi, imtiyozlar va yig'imlarni to'lash tartibi. Tayanch so'z va iboralar: yagona ijtimoiy to'lov, yagona ijtimoiy to'lov obyekti, yagona ijtimoiy to'lov to'lovchilari, yagona ijtimoiy to'lov stavkalari, yagona ijtimoiy to'lov bo'yicha imtiyozlar, yagona ijtimoiy to'lovni to'lash muddatlari. 12.1. Yagona ijtimoiy to'lovni to'lovchilari, to'lov obyekti, bazasi hamda to'lovdan chegirmalar. O'zbekiston Respublikasi Vazirlar Mahkamasining 2003 yil 25 dekabrdagi «O'zbekiston Respublikasining 2004 yilgi davlat byudjeti parametrlari to'g'risida»gi 567-son qaroriga muvofiq 2004 yil 1 yanvardan boshlab mehnatga haq to'lash fondidan ijtimoiy sug'o'rtaga (byudjetdan tashqari Pensiya jamg'armasi, Bandlikka ko'maklashish davlat jamg'armasi, Kasaba uyushmalari federatsiyasi kengashi) majburiy badallar to'lash o'rniga mulkchilik shaklidan qat'i nazar yuridik shaxslar mehnatiga haq to'lash jamg'armasidan yagona ijtimoiy to'lov joriy qilindi. Yagona ijtimoiy to'lov davlat soliq va yig'imlariga tenglashtirildi. Soliq kodeksining 305-moddasiga binoan yagona ijtimoiy to'lovni to'lovchilar bo'lib, yuridik shaxslar - O'zbekiston Respublikasi rezidentlari, O'zbekiston Respublikasida faoliyatni doimiy muassasa, chet ellik yuridik shaxslarning vakolatxonalari va filiallari orqali amalga oshiruvchi O'zbekiston Respublikasi norezidentlari hamda belgilangan tartibga muvofiq yagona ijtimoiy to'lovni to'laydigan ayrim toifadagi jismoniy shaxslar hisoblanadi. Soliq kodeksining 306-moddasiga asosan ish haqi tarzidagi daromadlar yagona ijtimoiy to'lovning soliq solish obyektidir. Bunda O'zbekiston Respublikasining diplomatik vakolatxonalari va konsullik muassasalari xodimlari, shuningdek O'zbekiston Respublikasi Tashqi ishlar vazirligi tomonidan xalqaro hukumatlararo tashkilotlarga kvota qilingan lavozimlarga xizmat safariga yuborilgan shaxslar uchun yagona ijtimoiy to'lovning soliq solish obyekti ularning O'zbekiston Respublikasidan tashqariga ...