Elektron soliq hisoboti va uni jo'natish tartibi

Elektron hisobot va uni jo'natish tartibi Reja: 1. Yuridik shaxslarning soliq hisobotlarini jo'natish tartibi. 2. Interaktiv xizmat ko'rsatuvchi organlar va xizmat ko'rsatish joylari hamda huquqiy asoslari. 3. Foydalaniladigan soliq va moliyaviy hisobot shakllari. 4. Interaktiv xizmat ko'rsatishning ichki idoraviy harakatlari. 5. Xorijiy mamlakatlar soliq tizimlaridagi axborot texnologiyalar. Tayanch so'z va iboralar: yuridik shaxslarga oid amaliyotda qo'llanilayotgan dasturiy mahsullar, interaktiv xizmatlar, ma'lumotlar yagona axborot bazasi, yuridik shasxlarni soliqqa tortishga doir dasturiy mahsullar turlari, zamonaviy axborot-kommunikatsiya texnologiyalari, Bir darcha tamoyili, davlat xizmatlarining ahamiyati. 1. Yuridik shaxslarning soliq hisobotlarini jo'natish tartibi. Soliq to'lovchi yuridik shaxslarning soliq solishning umumbelgilangan tartibini qo'llagan yuridik shaxslarning soliq hisobotlarni, soliq solishning soddalashtirilgan tartibini qo'llagan yuridik shaxslarning soliq hisobotlarni, moliyaviy hisobotlarni, byudjetdan tashqari maqsadli jamg'armalarga ajratmalar bo'yicha soliq hisobotlarni davlat soliq xizmati organlariga tashrif buyurmagan holda elektron ko'rinishda qabul qilish va qayta ishlash amalga oshiriladi. Interaktiv davlat xizmatini ko'rsatish soliq to'lovchilarning sarf xarajatlarini kamaytirishga va soliq to'lovchilarning vaqtini tejashga olib keladi. Soliq to'lovchilarga ko'rsatiladigan axborot xizmatlari sifati oshadi. Bundan tashqari, soliq to'lovchi hamda davlat soliq xizmati organlarining o'zaro munosabatlarida subyektiv aralashuvlar cheklanadi. Soliq to'lovchilarning soliq va moliyaviy hisobotlarini avtomatik tarzda elektron ko'rinishda jo'natish tegishli ma'lumotlar bazasi shakllanadi va uni elektron arxivlashtirish yo'lga qo'yiladi. 2. Interaktiv xizmat ko'rsatuvchi organlar va xizmat ko'rsatish joylari hamda huquqiy asoslari. «Elektron soliq hisobotini qabul qilish va qayta ishlash, elektron soliq hisobotini jo'natish» interaktiv davlat xizmati davlat soliq xizmati organlari tomonidan Davlat soliq qo'mitasining rasmiy ww.soliq.o'z saytidagi «Soliq to'lovchi yuridik shaxsning shaxsiy kabineti» orqali ko'rsatiladi. O'zbekiston Respublikasining Soliq kodeksi, «Buxgalteriya hisobi to'g'risida»gi, «Elektron hujjat aylanishi ...