Yer qa'ridan foydalanganlik uchun soliq va maxsus to'lovlar

Yer qa'ridan foydalanganlik uchun soliq va maxsus to'lovlar Reja: 1. Yer qa'ridan foydalanganda soliqqa tortish zarurligi 2. Soliq to'lovchilar, soliqqa tortish obyekti va bazasi 3. Soliq stavkalari va soliqdan imtiyozlar 4. Soliqni hisoblab chiqarish va byudjetga to'lash tartibi 5. Qo'shimcha foyda solig'i 6. Rivojlangan mamlakatlarda yer qa'ridan foydalanganlik uchun soliqning o'ziga xos xususiyatlari Tayanch so'z va iboralar: yer osti boyliklari, texnogen hosilalar, yer qa'ridan foydalanganlik uchun soliq, yer qa'ridan foydalanganlik uchun soliq obyekti, yer qa'ridan foydalanganlik uchun soliq stavkasi, yer qa'ridan foydalanganlik uchun soliq bo'yicha imtiyozlar, bonuslar, imzoli bonus, tijoratbop topilma bonusi, royalti, rentals. 1. Yer qa'ridan foydalanganda soliqqa tortish zarurligi. Tabiiy resurslardan samarali va oqilona foydalanishni ta'minlashga qaratilgan muhim vosita - bu davlat tomonidan tabiiy resurslardan foydalanish bilan bog'liq turli xil to'lovlardir. Jahon amaliyotida tabiiy resurslardan foydalanganlik uchun to'lovlar tizimini bonuslar, rentals, royalti va soliqlar tashkil etadi. Bonuslar - bir martalik to'lov bo'lib, davlat uchun soliqlar kabi unchalik muhim moliyaviy resurs bo'lmasada, davlat byudjeti daromadlarini oshirishning zarur elementlaridan biri hisoblanadi. Bonuslar hajmi har bir mamlakatning qonunchiligi bilan belgilanib, ular tabiiy resurslardan foydalanish bo'yicha kelishuvlar predmeti hisoblanadi. O'zbekistonda ham xo'jalik yurituvchi subyektlar tabiiy resurslardan foydalanishi jarayonida bonuslar to'laydi. Respublikamiz qonunchiligiga muvofiq, bonuslar - bu bitim tuzilgan vaqtda yoki muayyan natijaga yerishilgach bitim shartlariga muvofiq belgilangan bir martalik to'lovlar hisoblanadi. O'zbekistonda yer qa'ridan foydalanuvchilar ikki xil bonusni to'laydilar. Bular imzoli bonus hamda tijoratbop topilma bonusi. Rentals tabiiy resurslardan foydalanganlik uchun to'lovlarning ikkinchi ko'rinishi hisoblanib, davlat tomonidan tabiiy resurslardan foydalanish bo'yicha shartnoma tuzish vaqtida undiriladigan to'lov hisoblanadi. Rentals kelishuv davri davomida yoki ...