Yuridik va jismoniy shaxslardan olinadigan yer solig'i

Yuridik va jismoniy shaxslardan olinadigan yer solig'i Reja: 1. Yer solig'ining huquqiy asoslari, iqtisodiy mohiyati. 2. Yer solig'ini to'lovchilar. 3. Yer solig'i obyekti, bazasi va soliq stavkalari. 4. Yer solig'i bo'yicha imtiyozlar. 5. Yer solig'ini hisoblab chiqarish va byudjetga to'lash muddatlari. 6. Xorijiy davlatlarda yuridik shaxslardan undiriladigan yer solig'ini byudjetga undirish tartibi. Tayanch so'z va iboralar: yuridik shaxs, jismoniy shaxs, rezident yuridik shaxs, yer, soliq to'lovchilar, soliq obyekti, soliq to'lovchilar, soliq subyekti, soliq stavkasi, soliq imtiyozlari, soliqni hisoblash tartibi, soliqni to'lash muddatlari 1. Yer solig'ining huquqiy asoslari, iqtisodiy mohiyati. 1990 yilda O'zbekistonda Yer to'g'risida qonun qabul qilindi va ushbu qonunga ko'ra yerga egalik qilish va yerdan foydalanishning pullik bo'lishi belgilandi hamda yer uchun haq yillik yer solig'i sifatida undiriladigan bo'ldi. 1991 yilda Korxonalar, birlashmalar va tashkilotlardan olinadigan soliqlar to'g'risida, 1993 yilda Yer solig'i to'g'risida O'zbekiston Respublikasi Qonuni qabul qilinib, unda yer solig'ini undirishda soliqqa tortish obyekti, subyektlari, soliq bo'yicha imtiyozlar, soliqni hisoblash va byudjetga to'lash tartiblari ko'rsatib berildi. 1997 yilda Soliq kodeksining qabul qilinishi hamda 1998 yildan uning kuchga kiritilishi bilan yer solig'ining to'laqonli huquqiy asoslari yaratildi. Yer solig'i O'zbekiston soliq tizimida mahalliy soliqlar va yig'imlar tarkibiga kiradi hamda mahalliy byudjetlarning barqaror daromad manbai hisoblanadi. Yer solig'i boshqa soliq turlaridan farqli o'laroq, o'ziga hos xususiyatlarga ega. Jumladan, o'zining iqtisodiy mohiyatiga ko'ra u renta to'lovidir yoki boshqacha qilib aytganda ushbu soliq yer egalari va yerdan foydalanuvchi xo'jalik yurituvchi subyektlar moliyaviy faoliyatining natijalari bilan bog'liq emas. Demak, ushbu soliqni joriy etilishidan maqsad - yerdan oqilona foydalanishni rag'batlantirish, tuproq unumdorligini oshirish, sifati turlicha ...