Aksiz solig'ini hisoblash, hisobotlarini taqdim etish va byudjetga to'lash tartiblari

Aksiz solig'ini hisoblash, hisobotlarini taqdim etish va byudjetga to'lash tartiblari Aksiz solig'ining hisob-kitobi soliq bo'yicha hisobga olish joyidagi davlat soliq xizmati organlariga yilning har choragida, soliq davridan keyingi oyning 25-kunidan kechiktirmay, yil yakunlari bo'yicha esa yillik moliyaviy hisobot topshiriladigan muddatda taqdim etiladi. Dam olish (ishlanmaydigan) yoki bayram kuniga to'g'ri keladigan aksiz solig'ini to'lash muddatlari, tegishincha, hisob-kitobni taqdim etish muddatlari ham dam olish yoki bayram kunidan keyingi birinchi ish kuniga ko'chiriladi. Hisobot davri mobaynida o'n kunlik to'lovlar bilan kiritilgan aksiz solig'i summalari tegishli hisobot davri uchun hisob-kitob bo'yicha hisoblab chiqarilgan soliq summasida hisobga olinishi kerak. Ortiqcha kiritilgan aksiz solig'i summalari bo'lg'usi to'lovlar hisobiga kiritiladi yoki uning yozma arizasi olingan kundan boshlab Davlat soliq xizmati organi tomonidan 30 kun ichida to'lovchiga qaytariladi (agar byudjetga boshqa soliq turlari bo'yicha qarz mavjud bo'lmasa). Aksiz solig'i summasi quyidagi formula bo'yicha belgilanadi: O x A100, bu erda: O - soliq solinadigan oborot; A - aksiz solig'i stavkasi. Тo'lovchilar tomonidan hisoblab chiqarilgan aksiz solig'i summasi byudjetga quyidagi muddatlarda to'lanadi: - joriy oyning 13-kunidan kechiktirmay - joriy oyning birinchi o'n kunligi uchun; - joriy oyning 23-kunidan kechiktirmay - joriy oyning ikkinchi o'n kunligi uchun; - keyingi oyning 3-kunidan kechiktirmay - hisobot oyining qolgan kunlari uchun. Тovarga ilova qilinadigan hujjatlarda ko'rsatilgan mahsulot yuklab jo'natilgan kun sotish kuni bo'lib hisoblanadi. O'n kunlik to'lovlar bo'yicha aksiz solig'ining kelib tushgan summasi Davlat soliq xizmati organlari tomonidan soliq to'lovchilarning shaxsiy hisobvaraqlarida bir vaqtda soliqni Hisoblab yozish va Тo'lash ustunlarida aks ettiriladi. Amaldagi qonunchilikka ko'ra umumbelgilangan tartibda soliq to'lovchi yuridik shaxslar tomonidan Davlat soliq ...