Aloqa korxanasining hisob siyosati shakllanishida soliqlar

Aloqa korxanasining hisob siyosati shakllanishida soliqlar Mamlakatimizda iqtisodiyotni modernizatsiya qilish va ishlab chiqarishni diversifikatsiya qilish natijasida aloqa sohasida bozor munosabatlarining yanada rivojlanishi buxgalteriya hisobi oldiga yangi talablar quymokda. Ushbu talablar O'zbekiston Respublikasi «Buxgalteriya hisobi to'g'risida»gi qonuni va boshqa tegishli me'yoriy hujjatlarda belgilangan kontseptual qoidalarga asoslangan. Ular negizida xar bir xo'jalik yurituvchi subyekt uzining mavjud shart-sharoitlariga mos hisob yuritish hamda hisobot tuzish uslublarini shakllantirishi lozim. Mustaqillik yillarida iqtisodiyotni erkinlashtirish aloqa korxonalarida buxgalteriya hisobini tashkil qilish va uni yuritishga ham jiddiy ta'sir ko'rsatmoqda. Asta-sekin aloqa korxonalarda hisob jarayonini tashkil qilish amaldagi moliyaviy qonunlar va boshqa normativ hujjatlarga asoslangan holda mustaqil amalga oshirilmoqda. Buxgalteriya hisobini tashkil qilishdagi yangicha yondashishning mazmuni shundan iboratki, buxgalteriya hisobi davlat tomonidan belgilangan umumiy qoidalardan kelib chiqqan holda korxonada buxgalteriya hisobini yuritishdan ko'zlangan asosiy vazifalarni bajarish uchun mustaqil ravishda hisob yuritish siyosatini ishlab chiqiladi. «Hisob siyosati va moliyaviy hisobot» nomli O'zbekiston Respublikasi 1-sonli buxgalteriya hisobi milliy standartiga muvofiq hisob siyosati xo'jalik yurituvchi subyekt rahbari tomonidan buxgalteriya hisobini yuritish va moliyaviy hisobotni tayyorlash hamda tuzish uchun foydalaniladigan maxsus tamoyillar, qoidalar va amaliy yondashuvlar to'plamini ifodalaydi. Aloqa korxonalarida hisob siyosatini yuritish - bu aloqa korxonasining faoliyatini tartibga soluvchi amaldagi qonunlar va boshqa normativ hujjatlarda ruxsat etilgan buxgalteriya hisobining muqobil usullari va shakllaridan korxona tanlab olgan va elon qilgan buxgalteriya hisobining usullari va shakllarining yig'indisidir. Aloqa korxonalarining hisob siyosati shakllanishida soliqlarning o'rnini ko'rib chiqar ekanmiz , nafaqat aloqa korxonari balki har bir xo'jalik yurituvchi subyekt o'z faoliyatini yuritar ekan hisob siyosatini olib borishi va unda byudjetga to'lanadigan soliqlar va majburiy to'lovlar hisobi ...