Aloqa korxonalarida mavjud soliqlar tahlili

Aloqa korxonalarida mavjud soliqlar tahlili Malumki, har bir davlatning yuksak taraqqiyotga erishishida uning zamonaviy aloqa va axborot texnologiyalari tizimini keng ko'lamda rivojlantirish muhim ahamiyat kasb etadi. Mamlakatimiz mustaqillikka erishgan dastlabki yillardayoq, davlatimizning aloqa va axborotlashtirish sohasidagi ustuvor siyosati telekommunikatsiya tarmoqlariga ilg'or texnologiyalarni keng joriy etish, bu boradagi ehtiyojni to'liq qondirish maqsadida soha rivojiga qaratilgan mukammal bazani yaratishdan iborat bo'ldi. Bugun yuksak texnologiyalar, kompyuter texnikasi, global Internet tarmog'isiz hayotimizni tasavvur etish mushkul. Qolaversa, telekommunikatsiya sohasini modernizatsiya qilmay turib, jamiyatimiz taraqqiyotida ko'zlangan maqsadlarga erishib bo'lmaydi. Mustaqillik yillarida telekommunikatsiya tarmog'ini rekonstruksiya va modernizatsiya qilish natijasida mobil aloqa, axborot uzatish, xalqaro Internet tarmog'iga ulanish, elektr aloqa xizmatlari sifat jihatidan sezilarli darajada yaxshilandi. Natijada sohaning YaIMga qo'shgan ulushi o'sib, chet el va mahalliy investorlarni keng miqyosda jalb etish imkoniyati oshdi. Oxirgi besh yil davomida aloqa va axborotlashtirish sohasiga jalb qilingan chet el investitsiyasi miqdori 1,2 mlrd. AQSH dollarini tashkil etdi. Joriy yilning shu davriga qadar sohada ishlab chiqarish o'tgan yilga nisbatan 5,5 foizga o'sdi. Telekommunikatsiya tarmog'i rivojlanish holatini mobil aloqa va Internet tizimini rivoji bilan ham baholash mumkin, bugun mobil abonentlar soni 19 million nafardan, Internetdan foydalanuvchilar soni esa 6 milliondan oshganini ko'rish mumkin. Axborot sohasini isloh qilish umumiy strategik islohotlarning zaruriy sharti bo'lib hisoblanadi. Bunda aloqa sohamizning yirik kompaniyalaridan biri bo'lgan O'zbektelekom aksiyadorlik kompaniyasi muhim ahamiyat kasb etadi. O'zbektelekom aksiyadorlik kompaniyasi Respublikadagi yirik telekommunikatsiya operatori bo'lib, O'zbekiston Respublikasining barcha hududlarini o'z tarmog'i bilan qamrab olgan. O'zining zamonaviy texnologiyalari asosida barpo etilgan telekommunikatsiya tarmog'idan foydalanish orqali kompaniya turg'un va mobil, xalqaro va shaharlararo aloqa operatorlari ...