Ijtimoiy jamg'armalariga majburiy to'lovlar

Mavzu. IJTIMOIY JAMG'ARMALARIGA MAJBURIY TO'LOVDAR Reja 1.Yagona ijtimoiy to'lov va fuqarolarning byudjetdan tashqari pensiya jamg'armasiga sug'o'rta badallari 2.Byudjetdan tashqari pensiya jamg'armasiga majburiy ajratmalar 3.Respublika yo'l jamg'armasiga majburiy to'lovlar Tayanch iboralar: Yagona ijtimoiy to'lov, sug'o'rta badallari, Pensiya jamg'armasi, dehqon xo'jaliklari, ish xaqi, daromadlar, doimiy muassasa, majburiy ajratmalar, Pensiya jamg'armasi, notijorat tashkilotlar, dehqon xo'jaliklari, sof tushum, doimiy muassasa, Respublika yo'l jamg'armasi, tadbirkorlik faoliyati, yo'l xo'jaligi boshqaruv, avtotransport vositalarini, yig'imlar. 1.Yagona ijtimoiy to'lov va fuqarolarning byudjetdan tashqari pensiya jamg'armasiga sug'o'rta badallari Yagona ijtimoiy to'lovni to'lovchilar - yuridik shaxslar - O'zbekiston Respublikasi rezidentlari va O'zbekiston Respublikasida faoliyatni doimiy muassasa, chet ellik yuridik shaxslarning vakolatxonalari va filiallari orqali amalga oshiruvchi O'zbekiston Respublikasi norezidentlardir. Jismoniy shaxslar - O'zbekiston Respublikasi fuqarolari, shuningdek O'zbekiston Respublikasi hududida doimiy yashovchi va ishlovchi fuqaroligi bo'lmagan shaxslar fuqarolarning byudjetdan tashqari Pensiya jamg'armasiga sug'o'rta badallari (bundan buyon matnda sug'o'rta badallari deb yuritiladi) to'lovchilardir. Sug'o'rta badallarini hisoblash va ushlab qolish majburiyati, shuningdek ularning to'g'ri hisoblab chiqarilishi uchun javobgarlik ish beruvchi zimmasiga yuklatiladi, bundan sug'o'rta badallari to'lovchi yakka tartibdagi tadbirkorlar, yuridik shaxs tashkil etgan va tashkil yetmagan holda tuzilgan dehqon xo'jaliklari a'zolari mustasnodir. Ish haqi tarzidagi daromadlar yagona ijtimoiy to'lovning va sug'o'rta badallarining soliq solish obyektidir. Yagona ijtimoiy to'lovni va sug'o'rta badallarini hisoblab chiqarish uchun soliq solinadigan baza to'lanadigan daromadlar summasi sifatida belgilanadi. Yagona ijtimoiy to'lov va sug'o'rta badallari quyidagi to'lovlarga nisbatan hisoblanmaydi: - doimiy ishi yo'lda kechadigan, harakatlanish va (yoki) ko'chib yurish xususiyatiga ega bo'lgan xodimlarning, shuningdek qonun hujjatlarida nazarda tutilgan hollarda ishlar vaxta usulida bajarilgan taqdirda, ish haqiga ustamalar; - qonun hujjatlarida belgilangan ...