Jismoniy shaxslardan olinadigan yer solig'ini to'lash tartibi

Jismoniy shaxslardan olinadigan yer solig'ini to'lash tartibi Yer solig'i yer uchastkasining mulkdori, yerga egalik qiluvchi, yerdan foydalanuvchi yoki ijarachining yashash joyidan qati nazar, yer uchastkasi joylashgan hududdagi tuman yoki shaharning mahalliy byudjetiga to'lanadi. Yil mobaynida ajratilgan yer uchastkalari uchun yer solig'i jismoniy shaxslar tomonidan yer uchastkasi ajratilganidan keyingi oydan etiboran to'lanadi. Yer uchastkasi maydoni kamaytirilgan taqdirda, yer solig'ini to'lash yer uchastkasi kamaytirilgan oydan etiboran to'xtatiladi (kamaytiriladi). Yer solig'i bo'yicha imtiyozlar belgilangan taqdirda, bu soliq imtiyoz huquqi vujudga kelgan oydan etiboran to'lanmaydi. Yer solig'i bo'yicha imtiyozlarga bo'lgan huquqlar bekor qilingan taqdirda, bu soliq mazkur huquq bekor qilinganidan keyingi oydan etiboran to'lana boshlaydi. Belgilangan tartibda berilgan yer uchastkalari uchun yer solig'i yer uchastkasidan foydalanish faktidan qati nazar, jismoniy shaxslar tomonidan to'lanadi. Soliq davri uchun yer solig'i to'lash jismoniy shaxslar tomonidan yiliga ikki marta teng ulushlarda amalga oshiriladi: hisobot yilining 15 iyuniga qadar. hisobot yilining 15 dekabriga qadar. Qisqacha xulosalar Xulosa qilib shuni aytish mumkinki, jismoniy shaxslardan olinadigan yer solig'i mahalliy soliqlardan biri bo'lib, mahalliy byudjet daromadlarini shakkllantirishda muhim ahamiyatga ega. Yer mulkchiligini amalga oshirishning asosiy iqtisodiy shakli yer solig'i hisoblanadi. Respublikamizda mavjud erlarning sifatini yaxshilash, erlardan samarali foydalanish va soliq tizimida islohatlar amalga oshirilayotgan bir sharoitda soliq munosabatlari, soliqqa tortish uslublari, mahalliy soliqlarni rejalashtirish, mavjud mablag'lardan maqsadli foydalanish bo'yicha soliq munosabatlarini huquqiy mexanizmlarini ishlab chiqish lozim. Nazorat va muhokama uchun savollar Jismoniy shaxslardan olinadigan yer solig'ini to'lovchilar kimlar hisoblanadi ? Jismoniy shaxslardan olinadigan yer solig'i soliq solish obyektiga nimalar kiradi ? Jismoniy shaxslardan olinadigan yer solig'i bo'yicha qanday soliq imtiyozlari belgilangan ? ...