Demokratiya eksporti tushunchasi mohiyati va mazmuni

Demokratiya eksporti tushunchasi mohiyati va mazmuni Reja: 1. Jamiyat rivojlanishida demokratiyaning universal modeli mavjud bo'lmasligining ijtimoiy-falsafiy masalalari. 2. Demokratiya eksporti va uning milliy manfaatlar va geostrategik maqsadlar bilan o'zaro bog'liqligi. 3. Demokratiyani eksport qilishning vositalari, manbaalari va namoyon bo'lish shakllar Jamiyat rivojlanishida demokratiyaning universal modeli mavjud bo'lmasligining ijtimoiy-falsafiy masalalari. Demokratiyaning barcha davlatlar uchun mutlaq umumiy universal modeli bo'lishi mumkinmi, degan savolning mazmunida mantiqiy ichki ziddiyat mavjud. Chunki, har qanday model shartli xarakterga ega, universal model, ayniqsa demokratik jamiyat bilan bog'liq bo'lgan ijtimoiy modelning bo'lishi mumkin emas. Agar demokratiyaning universal modeli eksport qilinadigan bo'lsa, uning kommunizmdan farqi qolmaydi. Kommunizmni eksport qilish qanday oqibatlarga olib kelgani hammaga malum. Shuningdek, bugungi kunda sobiq ittifoq hududida uzoqni ko'ra bilmasdan, shoshma-shosharlik bilan amalga oshirilayotgan modellarning ijtimoiy hayotga salbiy ta'sirini tahlil qila turib A.Ochildiev: Sobiq ittifoq hududida amal qilayotgan milliy siyosat modelini tahlil qiladigan bo'lsak, bir tomondan, muayyan vaqtda yuzaga kelgan vaziyatlarni bartaraf qilishning oqilona yo'lini topa olmaslik natijasi o'laroq namoyon bo'layotgan konfliktlarning yangidan avj olishiga sharoit yaratayotgan, ikkinchi tomondan, ko'pchilikni tashkil etadigan boshqa millatlar vakillarini yumshoqroq shaklda, har xil huquqiy aktlarni qabul qilish, turli sun'iy qiyinchiliklarni keltirib chiqarish orqali siquv ostiga olishga asoslanayotgan amaliyotni yaqqol kuzatishimiz mumkin, deb yozadi. Shu manoda aytish mumkinki, bugungi kunda bizning mamlakatimizga zo'rlab tiqishtirishga urinilayotgan demokratiyaning universal modellari ham yuqoridagi sobiq ittifoqning ayrim hududlarida amalga oshirilayotgan modellarda ko'zlangan maqsaddan boshqa narsa emas. Binobarin, Bizdan andoza olishingiz kerak, bizning siyosat - eng to'g'ri siyosat, - deb ish yuritish demokratiyaga mutlaqo zid tushunchalardir. Malumki, jamiyat tizim sifatida doimiy rivojlanish va takomillashish jarayonida ...