Hozirgi davrning global siyosiy muammolari

Hozirgi davrning global (umumbashariy) siyosiy muammolari Reja: 1. Umumbashariy siyosiy muammolar, ularning turlari va kelib chiqish sabablari. 2. Urush va tinchlik masalasi - hozirgi davrning hayot-mamot masalasi. 3. xalqaro terrorizm va diniy ekstremizm xavfi va unga qarshi kurash - davr talabi ekanligi. Biz yashab turgan hozirgi dunyo taraqqiyotining obyekti qonunniyatlaridan biri - uning birligi va yaxlitligi tomon og'ishmay rivojlanayotganligidir. Shuni alohida ta'kidlash kerakki, insoniyat qanchalik ijtimoiy, milliy, siyosiy, irqiy, diniy va boshqa belgilaridan kelib chiqqan xilma-xil tusiqlar bilan turli guruhlarga ajratib tashlangan bo'lmasin, ularning hammasi bitta sayyora - Yerda istiqomat qiladilar, hamma uchun bir, umumiy bo'lgan biologik muhitda hayot kechiradilar. Insoniyatning ko'p ming yillik tarixiy taraqqiyoti davomida oldinlari hech bo'lmagan va kutilmagan vaziyat yuzaga keldi: Ommaviy qirg'in qurollari, birinchi navbatda, termoyadro qurolining vujudga keltirilib, tobora takomillashtirib borilishi natijasida insoniyat hayot-mamoti, sivilizatsiyasi uchun termoyadro xaloqati xavfi tug'ildi, insonning ishlab chiqarish faoliyati ko'lami kengayib va ko'payib borgani sari jahon sivilizatsiyasi va inson hayot mamoti uchun ekologik xaloqat xavfi tug'ilib, kuchayib bormoqda. Es-xushi joyida bo'lgan har bir odam shuni yaxshi tushunadiki, termoyadro va boshqa ommaviy qirg'in qurollarini qo'llab, olib borilgan urushdan keyin atmosfera, yer va suv radiatsiya bilan zaharlanib, ob-havoning mudxish tarzda o'zgarishi, yer yuzi buylab tarqalishi faqat odamlar avlodining qurib ketishigina emas, balki hayvonot hamda o'simlik dunyosining ham ko'pchilik qismi yer yuzidan yo'q bo'lib ketishiga olib keladi. Yer sayyorasida umuman ongli hayot yana qaytadan vujudga kelishi mumkin bulmay qoladi. Jahon siyosati keng qamrovli, serqirra va xilma-xil xalqaro munosabatlar mazmuniga ega bo'lib borgani sari barcha umumbashariy muammolarni faqat o'zining tuzumi manfaatlari, faqat o'zining ...