Jamiyat sotsial strukturasi va stratifikatsion jarayonlar

Jamiyat sotsial strukturasi va stratifikatsion jarayonlar Reja: 1.Sotsial struktura tushunchasi. Sotsial struktura to'g'risidagi antik davr mutafakkirlarining ta'limotlari. Sotsial stratifikatsiya to'g'risidagi nazariyaning mohiyati va ahamiyati. Stratifikatsiya asoslari va mezonlari. Sotsial stratifikatsiya va sotsial harakatchanlik (mobillik) nazariyasi. Sotsial struktura tushunchasi. Jamiyatning sotsial strukturasi - sotsial guruhlar, ularning sotsial hayotdagi o'z mavqei bilan farq qiluvchi tomonlari majmuasidan iboratdir. Jamiyatning sotsial strukturasini kishilarning quyidagi muayyan sotsial birlik sifatidagi uyushmalari tashkil qiladi: katta-katta guruhlar: sinflar, millatlar, milliy-etnik, sotsial- demografik; nisbatan kichik tizimlar: o'quv-tarbiyaviy, oila-turmush va boshqa guruhlar; sotsial tashkilotlar, birlashmalar, ittifoqlar Ular tarixiy rivojlanish bosqichlarida turli sotsial asoslarda shakllanadilar. Yashash sharoitiga, rivojlanish xususiyatlariga, sotsial ehtiyojga, manfaatlarga va muayyan maqsadga ega bo'ladi. Sotsial tizimlar zanjirida turli o'ziga xos halqaga ega bo'ladilar. Ichki tashkiliy tuzilishi, xarakteri, funksional va rivojlanish darajasi, turmush tarzi, faoliyat shakli va usullari bilan qadriyatlar tizimi, norma, g'oyalari, qarashlari va boshqa jihatlari bilan farq qiladilar. Jamiyatning sotsial strukturasini konkret - tarixiy davr kesimida olib qarash talab qilinadi. Chunki, turli tarixiy davrlar sotsial strukturasi o'zaro sifat va xususiyatlari bilan farq qiladi. Jamiyatning sotsial strukturasini sotsiologik jihatdan o'rganishda uni uch manoda olib qarash zarur: -eng umumiy, -maxsus keng -xususiy tor manoda. Umumiy manodagi sotsial struktura - jamiyatning bir butun strukturasini tashkil qiladi. Ikkinchi maxsus keng manodagi sotsial strukturaga sotsial-tarixiy birlik majmuasi va ular o'rtasidagi aloqa, munosabatlar kiradi. Bu struktura milliy-etnik, sotsial-demografik, mutaxassislik va boshqa shu kabi kishilar guruhlarini o'z ichiga oladi. Tor, xususiy manodagi sotsial struktura tushunchasiga mehnat jamoalari, hududiy birlik, nisbatan tez o'zgaruvchan guruhlar kiradi. «Sotsiologiyaning umunazariy muammolari» asarida amerikalik sotsiolog T.Parsons jamiyat strukturaviy tuzilishining ...