Jamiyatning sotsial strukturasi va strafikatsion jarayonlar

Jamiyatning sotsial strukturasi va strafikatsion jarayonlar Inson va jamiyat Inson va jamiyat - bir-biri bilan uzviy bog'liqdir: inson jamiyatdan tashqarida o'zining haqiqiy mohiyatini yo'qotadi. Biroq jamiyat insonlarning shunchaki yig'indisidangina iborat emas. Bundan tashqari, jamiyat odamlar o'rtasida amal qiladigan real munosabatlarni ham qamrab oladi; bunday munosabatlar kishilarni oila, urug', qabila, millat, davlat va nihoyat, insoniyat hamjamiyatiga birlashtiradi. Jamiyat tarkibi (strukturasi) ikki o'lchamli emas, balki ko'p o'lchamlidir.Jamiyatni nazariy jihatdan tahlil qilish qulay bo'lishi uchungina jamiyat strukturasi ikki asosiy elementga bo'linadi. Jonli, real jamiyat esa juda ko'plab aloqa, munosabat va o'zaro ta'sir birligidan iborat bo'lib, ular xilma-xil elementlar majmuasidan yaxlit ijtimoiy organizmni vujudga keltiradi. Jamiyatni yaxlit va bir butun tizim sifatida tushunish qadimgi dunyo faylasuflari uchun ham xos edi. Jamiyat elementlari Jamiyat elementlari deganda ijtimoiy tizimning eng kichik qismlari tushuniladi. Ijtimoiy munosabatlar - jamiyatni tashkil etuvchisubyektlar o'rtasidagi muayyan aloqa va bog'liqlikdir. Barqaror va doimiyravishda takrorlanuvchi munosabatlar asta-sekin barqaror ijtimoiyguruhlar, tashkilotlar, institutlarning shakllanishiga olib keladi. Jamiyatdagi munosabatlar qanchalik boy, xilma-xil bo'lsa, bu jamiyatning demokratik xarakterga ega ekanligidan, rivojlanganligidan dalolat beradi. Ijtimoiy tizimni boshqa tizimlardan ajratib turadigan muhim xususiyatlar quyidagilardir 1) jamiyatni tashkil etadigan elementlarning ko'pligi; 2) ijtimoiy tizim elementlarining rang-barangligi, turlicha sifat va xarakterga ega ekanligi; 3) ijtimoiy tizimning asosiy elementi va yadrosi bo'lgan insonning betakrorligi, o'z faoliyati va xulq-atvorini erkin namoyon etishidir. Ijtimoiy hayotning mohiyatli asosi bo'lgan inson faoliyatining ro'yberishi uchun quyidagi to'rt element talab etiladi. Birinchi va asosiy element inson, kishilardir. U faoliyatning faol qismi, faoliyat subyektidir. Inson faoliyatining ikkinchi elementi faoliyat obyektlaridir. Bu insonfaoliyati yo'naltirilgan narsalargina emas, balki insonning o'zi ham ...