Kasaba uyushmalari

Kasaba uyushmalari Federatsiyasi tizimida kasaba uyushmasiga azolik badallarini taqsimlash, kasaba uyushma byudjeti mablag'laridan maqsadli va samarali foydalanish tartibi to'g'risida Nizom Mazkur Nizom kasaba uyushmalari Ustavlarida ko'zda tutilgan vazifalarni amalga oshirish uchun O'zbekiston kasaba uyushmalari Federatsiyasi (keyingi matnlarda Federatsiya deb yuritiladi) tizimida kasaba uyushma byudjetini shakllantirish, byudjet mablag'laridan maqsadli va samarali foydalanish, kasaba uyushmalari tashkilotlari faoliyatining iqtisodiy asoslarini mustahkamlash sohasidagi yagona moliyaviy faoliyat tartibini belgilaydi. KASABA UYuShMALARI tashkilOTLARI DAROMADLARINING ShAKLLANIShI Federatsiyaning Ustaviga muvofiq tarzda kasaba uyushmasiga azolik badallaridan tushgan mablag'lar; boshlang'ich kasaba uyushmalari tashkilotlarining apparat xodimlarini saqlab turish, ularga qo'shimcha haq to'lash, a'zolar o'rtasida madaniy-ommaviy va sport tadbirlari tashkil etish, xodimlar va ularning oila a'zolarini sog'lomlashtirish uchun tarmoq kelishuvlari hamda jamoa shartnomalari asosida xo'jalik tashkilotlari tomonidan kasaba uyushmalari tashkilotlariga o'tkazib beriladigan mablag'lar; kasaba uyushmasi a'zolari tomonidan san'atoriy, dam olish uylari va bolalarni sog'lomlashtirish oromgohlari yo'llanmalarining qisman foizi uchun to'lanadigan mablag'lar; kasaba uyushmalari tashkilotlarining hisob raqamidagi pul mablag'larini bankka depozitga qo'yish orqali olinadigan bank foizlari, qimmatli qog'ozlarni chiqarish va sotish orqali olinadigan daromadlar; kasaba uyushmalari tashkilotlari tomonidan tashkil etilgan korxona, tashkilot va muassasalarning ishlab chiqarish, aholiga pullik xizmatlar ko'rsatish, noshirlik faoliyati, kasaba uyushma tashkilotlari mulkini ijaraga berish, turizmni rivojlantirish va boshqa turdagi Respublika qonunlari bilan taqiqlanmagan faoliyatni amalga oshirishdan olingan daromadlar. KASABA UYuShMA A'ZOLIK BADALLARINI TAQSIMLASh TARTIBLARI boshlang'ich tashkilotlarda yig'ilgan azolik badallarining 60 foizi; mazkur Nizomning 1-ilovasidagi balansida ijtimoiy obyektlari (bolalarni sog'lomlashtirish oromgohlari, madaniyat saroylari, kutubxonalar, tibbiy reablitatsiya markazlari, maktabgacha ta'lim muassasalari, sport inshootlari) mavjud bo'lgan korxona, tashkilotlarning kasaba uyushmalari qo'mitalarida 70 foizi (1-ilovada ko'rsatib o'tilgan korxona, tashkilotlarning ro'yxatiga Federatsiya Kengashining Rayosati ...