O'zbekiston Respublikasida jamiyatni demokratlashtirish va yangilash sharoitida davlat xizmatlarini isloh etishning asosiy yo'nalishlari

O'zbekiston Respublikasida jamiyatni demokratlashtirish va yangilash sharoitida davlat xizmatlarini isloh etishning asosiy yo'nalishlari Reja: 1. Yuksak huquqiy madaniyat - jamiyat poydevori 2. Davlat hokimiyati va boshqaruvi organlari huquqiy savodxonligini oshirish Huquqiy davlat va fuqarolik jamiyatini barpo etishda davlat hokimiyati va boshqaruvi organining faoliyati isloh etishning asosiy yo'nalishlari. YuKSAK HUQUQIY MADANIYaT - JAMIYaT POYDYeVORI O'zbekiston Respublikasi tarixiy taraqqiyot uchun juda qisqa muddat bo'lgan o'z mustaqil rivojlanishining 23 yillik davri davomida jamiyat hayotining siyosiy va ijtimoiy-iqtisodiy sohalarida sezilarli muvaffaqiyatlarga erishdi. Asosiy yutug'imiz davlat va jamiyatni doimiy va izchil demokratlashtirish jarayoni, mamlakatda ro'y berayotgan barcha jarayonlarga o'zining aloqadorligini his qiladigan siyosiy faol shaxsni shakllantirish hisoblanadi. Mamlakatimizda amalga oshirilayotgan siyosiy va huquqiy islohotlar, jamiyatni isloh qilish va modernizatsiyalash, demokratiyaning rivojlanishi, huquqiy tartibotning mustahkamlanishi avvalo jamiyatda huquqiy madaniyatning rivojlanganlik darajasi, har bir shaxsning o'z huquq va erkinliklarini to'g'ri anglashi va ulardan samarali foydalanishi, o'z majburiyatlarini vijdonan bajarishi va o'z faoliyatida qonunga asoslanishi bilan belgilanadi. Zero, davlatimiz rahbari Islom Karimov O'zbekiston Respublikasi Oliy Majlisi Qonunchilik palatasi va Senatining 2010 yil 12 noyabrdagi qo'shma majlisida bayon qilgan «Mamlakatimizda demokratik islohotlarni yanada chuqurlashtirish va fuqarolik jamiyatini rivojlantirish konsepsiyasi»da takidlaganidek, «Jamiyatning demokratiya yo'lidan jadal rivojlanishi va bu borada amalga oshirilayotgan islohotlarning muvaffaqiyati, ko'p jihatdan, odamlarning huquqiy ongi va huquqiy madaniyat darajasiga bog'liqdir. Yuksak huquqiy madaniyat - demokratik jamiyat poydevori va huquqiy tizimning yetuklik ko'rsatkichidir». Darhaqiqat, erkin fuqarolik jamiyatini barpo etishda aholining, ayniqsa, yoshlarning huquqiy ongi va madaniyatini yuksaltirishga qaratilgan chora-tadbirlarni keng ko'lamda amalga oshirishga alohida etibor berish zarur. Toki har bir fuqaro o'z haq-huquqini bilsin va uni himoya qila ...