Siyosat va inson

Siyosat va inson Reja: Inson siyosatining subyekti va obyekti sifatida Inson va siyosat o'rtasidagi munosabatlarning tamoyillari Inson siyosiy faoliyatining shakllari O'zbekistonda shaxsning siyosiy faolligini kuchaytirish vazifalari Inson - siyosatning obyekti va subyekti sifatida Inson - siyosatning subyekti masalasini tushunish avvalo subyekt va obyekt tushunchalari ustida to'xtalib o'tishni taqozo etadi. Bu tushunchalarni ko'rib chiqmasdan inson - siyosatning subyekti masalasini tug'ri tushunish mushkuldir. subyekt - lotincha Subjectus so'zidan kelib chiqqandir. Bu so'z amaliy faoliyat tashuvchisi degan manoni anglatadi. Hozirgi zamonda subyekt tushunchasi obyektga, tashqi dunyoga qarama - qarshi turuvchi, intilishga, faoliyat ko'rsatishga, yo'naltirishga qodir bo'lgan va faol harakat qiluvchi insonni anglatadi. obyekt tushunchasi esa subyektning faoliyati qaratilgan, undan tashqarida mavjud bo'lgan narsalar va hodisalarni anglatadi. subyekt va obyekt - bilish nazariyasining qo'shaloq tushunchalaridir. Bu tushunchalar birgalikda, o'zaro aloqadorlikda ishlatiladi. obyektsiz subyektni, subyektsiz obyektni tasavvur etib bo'lmaydi. Adabiyotlarda subyekt va obyekt tushunchalari bilan bir qatorda subyektivlik va obyektivlik tushunchalari ham keng ishlatiladi. Bu tushunchalar mazmunan bir - biriga yaqin, bir tartibdagi tushunchalardir. Ularni subyektivizm va obyektivizm tushunchalari bilan almashtirib yubormaslik lozim. Ular bir - biridan jiddiy farq qiladi. subyektivizm tushunchasi obyektiv qonuniyatlarga zid bo'lgan, bir tomonlamalik va ehtiroslar ustunlik qilgan, xato qarorlar va harakatlarni anglatadi. Bunday faoliyat kasbiy tayyorgarlikka, zarur bilim va tajribaga ega bo'lmagan kishilar tomonidan sodir etiladi. subyektivlik tushunchasi esa subyektga ta'rif berishni bildiradi. Bu tushuncha real voqelikni hisobga oluvchi, uning qonuniyatlariga binoan harakat qiluvchi inson faoliyatini anglatadi. obyektivlik va obyektivizm ham bir xil mazmundagi tushunchalar emas. Ular ham bir - biridan tubdan farqlanadi. obyektivizm - voqelikni tanqidiy baholashdan voz kechish, ...