Siyosiy qarashlarning vujudga kelishi va rivojlanishi

Siyosiy qarashlarning vujudga kelishi va rivojlanishi Reja: Siyosiy qarashlarning shakllanishi va rivojlanishining obyektiv shart-sharoitlari. Qadimgi dunyo, o'rta asrlar va o'yg'onish davridagi siyosiy qarashlar.O'rta Osiyoda siyosiy hayot va siyosiy qarashlarning rivojlanishi. XX asr siyosatshunosligining asosiy yo'nalishlari. Siyosiy qarashlarning shakllanishi va rivojlanishining obyektiv shart-sharoitlari. Jamiyat hayotida ro'y beradigan har bir o'zgarish malum bir tarixiy sharoitning mahsuli hisoblanadi. Politologiya fanida o'rganiladigan masalalar ham turli tarixiy sharoitlarda ro'y bergan. Bu o'zgarishlarni ilmiy-nazariy jihatdan o'rganish zarurligi Politologiyaning fan sifatida vujudga kelishida muhim ahamiyatga ega bo'lgan. Politologiya fanining vujudga kelishi va rivojlanishidagi dastlabki tarixiy sharoit - bu davlatning paydo bo'lishidir. Davlatning paydo bo'lishi bilan jamiyatning siyosiy hayoti va siyosiy munosabatlari shakllanib bordi. Davlat bu munosabatlarni yo'lga qo'yish va ularni tartibga solish jarayonida jamiyatning siyosiy namoyondasiga aylanib bordi. Davlatning vujudga kelishi kabi, siyosiy partiyalar va tashkilotlarning vujudga kelishi ham jamiyatning siyosiy hayotida ro'y bergan muhim siyosiy o'zgarishlardan biri bo'lgan edi. Siyosiy partiyalarning vujudga kelishi bilan siyosiy munosabatlar yanada takomillashgan va ularning jamiyat hayotida ta'siri kuchayib borgan. Siyosiy harakatlarning shakllanishi va ularning jamiyat hayotidagi roli hamda ahamiyati masalasini o'rganish ham Politologiyaning fan sifatida vujudga kelishida muhim tarixiy sharoit bo'lgan. Jamiyatning siyosiy hayotida ro'y bergan muhim o'zgarishlardan biri xalqaro tashkilotlarning vujudga kelganligidir. Hozirgi kunda dunyoda bunday tashkilotlarning umumiy soni qariyb yuzga yaqinni tashkil etadi. Xulosa qilib aytganda, Politologiya fani ham boshqa siyosiy fanlar kabi jamiyat hayotida ro'y bergan o'zgarishlarni o'rganish natijasida vujudga kelgan va rivojlangan. 2.2. Qadimgi dunyo, o'rta asrlar va o'yg'onish davridagi siyosiy qarashlar. O'rta Osiyoda siyosiy hayot va siyosiy qarashlarning rivojlanishi. Politologiya fanining vujudga kelishi va rivojlanishida ...