Sotsiologiyada ijtimoiy guruhlar va tashkilotlarning o'rganilishi

Sotsiologiyada ijtimoiy guruhlar va tashkilotlarning o'rganilishi Reja: Birlamchi va ikkilamchi guruhlar haqida tushuncha. Byurokratiyalar ichidagi rasmiy va norasmiy munosabatlar. Oligar va nooligarxik tashkilotlar. Hozirgi dunyoda tashkilotlarga ta'sir etuvchi omillar. Karser tashkilotlar haqida tushuncha. Biz mansub bo'lgan barcha guruhlar biz uchun bir xil ahamiyatga ega emas. Ba'zi guruhlar hayotimizning ko'plab jihatlarini qamrab oladi va boshqalar bilan shaxsiy aloqalar o'rnatilishiga sabab bo'ladi. Amerikalik sosiolog Charlz Xorton Kuli (1864-1929) emosional aloqalar bilan bog'langan kichik assosiasiyalarni belgilash uchun birlamchi guruh atamasini qo'llagan. Kuli birlamchi guruhlarni ideallashtirib yuborar edi, lekin bunday baholashga tanqidiy yondashish lozim. Masalan: oila hayoti har doim ham tinch va osoyishta o'tmaydi, oilalarda ko'plab noteksliklar va dushmanlarcha munosabat ham uchraydi (12-bob, «Qariydoshlik, nikoh va oila»). Ikkilamchi guruh - doimiy tarzda uchrashib turadigan, lekin shaxsiy aloqalarga ega bo'lmagan insonlar guruhidir. Albatta, hayotda birlamchi va ikkilamchi guruhlar o'rtasidagi farq unchalik yaqqol sezilmaydi. Masalan, qo'mita majlislarida doimo uchrashib turadigan insonlar do'stlashib, keyinchalik norasmiy uchrashuvlar ham o'tkazib turishlari mumkin. Rasmiy tashkilotlar An'anaviy jamiyatlarda insonlarning butun hayoti kichik guruh ichida o'tar edi. Masalan: an'anaviy Xitoy jamiyatida qishloq aholisi davlat amaldorini kamdan-kam ko'rishi mumkin edi. Davlat farmonlari ular hayotiga deyarli ta'sir qilmas edi. Buni bugungi holat bilan taqqoslab ko'ring. Qilayotgan barcha ishlarimiz amaldorlar qaroriga bog'liq: bir hatgo, bu amaldorlarni hukumat deb ham ataymiz. Har qanday muhim hodisa - tug'ilish, nikoh yoki o'lim - qayd qilinishi kerak. Davlat tashkilotlari ta'lim, sanitariya, yo'llar tizimi, kommunal xizmatlar, atrof-muhitni nazorat qilish, milliy pul tizimi va hokazo turdagi faoliyatimiz uchun zarur bo'lgan resurslar bilan, qisman bo'lsada, ta'minlaydi. Ko'pchiligimiz katta tug'rukxonalarda tug'ilganmiz va bir ...