Birinchi jahon urushi haqida

Birinchi jahon urushi. Reja: 1. Birinchi jahon urushining kelib chiqish sabablari. 2. Urushning boshlanishi va german armiyasining Fransiyaga hujumi. 3.1914 yilda Rossiya armiyasining hujumi. 4. German armiyasining 1914 yilda olib borgan urushlari va «yashin tezligi» dagi urush rejasining barbod bo'lishi. 5.AQSH ning urushga kirishi. 6.To'rtlar ittifoqining mag'lubiyati, urushning yakuni, Birinchi jahon urushi unda qatnashgan hamma davlatlar uchun ham imperialistik bosqinchilik va adolatsiz urush bo'ldi. Faqat Serbiya va Belgiya uchun bu urush bir qadar milliy ozodlik urushi bo'ldi. Biroq bu narsa urushning umumiy xarakterini o'zgartira olmas edi, chunki urushning umumiy xarakteri dunyoni yangidan qayta taqsimlash uchun, dunyoda hokim bo'lish uchun kurashayotgan buyuk imperialistik davlatlarning qatnashishi bilan belgilanar edi. German imperialistlari o'z foydalarini ko'zlab, dunyoning butunlay qayta taqsimlashga urush yo'li bilan erishmoqchi bo'ldilar. Germaniyaning bosqinchilik dasturi Pangerman ittifoqining 1914-yil 28-avgustda e'lon qilgan talablarida o'z aksini topgan edi. Bu talabalar quyidagilardan iborat edi: Rossiyaning tabiiy qazilmalarga boy bo'lgan va nemis kolonistlarini ko'chirib kelishga yaraydigan katta-katta unumdor hududlarini bosib olish, sanoat mamlakati bo'lgan Belgiyani anneksiya qilish va uning Afrikadagi Kongo mustamlakasini qo'lga kiritish franso'zlarning Longvi va Bris temir ruda havzalarini anneksiya qilish va Fransiya bilan tuzgan chegarani Bel'for, Tul', Verden shaharlari va Somma daryosidan g'arbroqdagi liniyaga ko'chirish, shuningdek, Fransiya mustamlakalarini bosib olish, Angliyaning dengizdagi hukmronligiga chek qo'yish, jahon bozorlarida ingliz konkureptsiyasini zaiflashtirish, dengizlardagi tayach punktlarga ega bo'lish va ingliz mustamlakalarini bosib olish, yengilgan davlatlardan milliardlab kontributsiya olish, barcha dushmanlarni zaiflashtirib, «Buyuk Germaniya» ning chetdan hech qanday to'sqinlik sezmay o'n yilliklar davomida taraqqiy etishini ta'minlashdan iborat edi. Avstriya-Vengriya imperialistlarining bosqinchilik dasturi Serbiyani anneksiya qilish va ...