Dunyo XX-XXI asr bo'sag'asida

Dunyo XX - XXI asr bo'sag'asida XX asr tarixi bilan tanishish Sizga insoniyat bu asrni qanday boshlagan edi, uni qanday tugalladi va yangi - XXI asrga, yangi ming yillikka dunyo nima bilan kirib keldi, degan savollarga baholi qudrat javob beradi. Dunyo XX asrga ikkinchi sanoat inqilobi boshlanishi bilan kirib keldi. Bu asrda insoniyat ilm - fan va texnika taraqqiyotida ulkan yutuqlarga erishdi. XX asr boshlaridan davlatning jamiyatda tutgan o'rnida tub o'zgarishlar yuz bera boshladi. Bu hodisa keyinchalik davlatning iqtisodga aralashuvi, iqtisodda davlat sektorining vujudga keltirilishi, davlatning iqtisodiy islohotlarga bosh bo'lishi, fuqarolarning ijtimoiy himoyasi masalasiga chuqur e'tibor berishi bilan izohlanadi. Bu hodisa mehnat bilankapital o'rtasidagi qarama - qarshilikni yumshatishni, oxir - oqibatda ijtimoiy inqiloblarning oldini olishi, keyinroq esa ularning butunlay keraksiz bo'lib qolishini ta'minladi. Insoniyatning ilg'or qismi ijtimoiy inqiloblar mislsiz qon to'qishlarga, vayrongarchiliklarga olib kelishini tushunib eytdi. XX asr tarixga inson huquqlari uchun kurash asri bo'lib ham kirdi. Bu o'rinda Birlashgan Millatlar tashkiloti 1948 yilda qabul qilgan Inson huquqlari umumjahondeklaratsiyasi katta tarixiy ahamiyatga ega bo'ldi. Buning natijasi o'laroq mustamlaka va yarim mustamlaka xalqlarga mustaqillik berish masalkasi har qachongidan ham dolzarb bo'lib qoldi. Bu asrda Buyuk Britaniya, Fransiya, Germaniya, Avstriya-Vengriya, Usmonli Turklar, Portugaliya kabi davlatlar o'z mustamlakalaridan ajraldilar, shuningdek mustamlakachi imperiya - sobiq Sovet davlati quladi. Natijada dunyo siyosiy xaritasida katta o'zgarishlar yuz berdi. Ko'plab mustaqil davlatlar tashkil topdi. XX asr oxiriga kelib mustamlakachi imperiyalarning yemrilishi va qulashi asri bo'lib ham tarixda o'chmas iz qoldirdi. Bugun dunyoda 200 ga yaqin davlat mavjud. Ularning ko'pchiligida Respublika tizimi mustahkam qaror topdi. To'g'ri monorxiya davlatlari ...