Ikkinchi jahon urushi yillarida o'zbek xalqining fashizm ustidan qozonilgan g'alabaga qoshgan hissasi

Ikkinchi jahon urushi yillarida o'zbek xalqining fashizm ustidan qozonilgan g'alabaga qoshgan hissasi. Sovet davlatida ma'muriy buyruqbozlik tuzumining kuchayishi va inqirozi davrida O'zbekiston. (1946-1991 yillar) REJA: Ikkinchi jahon urushining boshlanish sabablari. O'zbekistonning urush girdobiga tortilishi. Xotira va qadrlash kuninig milliy bayram sifatida nishonlanishi, uning mohiyati va ahamiyati. 50-80 yillarda o'tkazilgan iqtisodiy islohotlar, ularning samarasizligi. Mustabid sovet tizimining O'zbekistonda amalga oshirgan qatag'onlik siyosati va uning oqibatlari. . Tayanch iboralar: Ikkinchi jahon urushi, hujum, fashizm, harbiy holat, og'ir sinov, blokada, Davlat Mudofaa Qo'mitasi, oziq-ovqat kartochka, evakuatsiya, xalq xo'jaligi, resurs, g'alaba. Insoniyat juda ko'p urushlarni boshidan kechirgan bo'lib, bular ichida eng dahshatlisi, 50 milliondan ortiq kishining yostig'ini quritgan, XX asr fojiasi bo'lmish ikkinchi jahon urushidir. Olti yil (1939 yil sentyabr - 1945 yil sentyabr) davom etgan bu urush yer sharining 80% aholisi joylashgan hududni, 61 ta mamlakatni o'z ichiga qamrab olgan. 1939 yil 1 sentyabrda fashistlar Germaniyasi qo'shinlarining Polshaga bostirib kirishi bilan ikkinchi jahon urushi boshlanib ketdi. 1941 yil 22 iyun Germaniya hujum qilmaslik to'g'risidagi shartnomani buzib, Sovet Ittifoqiga hujum boshladi. Bu davlat fuqarolari bo'lgan xalqlar uchun og'ir sinovlardan iborat urush boshlandi. O'sha kuni mamlakatda harbiy holat joriy etilganligi haqida farmon e'lon qilindi. 23 iyunda Toshkentda ko'p ming kishilik miting bo'lib o'tdi. Urush butun mamlakat xo'jaligi, uning hayotini tubdan o'zgartirib yubordi. 1941 yil 30 iyunda Davlat mudofaa Qo'mitasi (DMK)ning tuzilishi bilan mamlakatdagi butun siyosiy, harbiy va xo'jalik hokimiyati uning qo'liga o'tdi. Ushbu qo'mitaning raisi I.V.Stalin 19 iyuldan SSR mudofaa xalq komissari, 8 avgustda SSR qurolli kuchlari Oliy Bosh qo'mondoni lavozimini egalladi. U ayni paytda ...