Islom Karimov - O'zbekiston mustaqilligining asoschisi va yetakchisi

I.A.Karimov-O'zbekiston mustaqilligining asoschisi va yetakchisi Jahon sivilizatsiyasida alohida o'rin tutadigan, ko'p asrlik boy tarixga ega O'zbekiston diyorida butun dunyoga mashhur olimlar, davlat arboblari yetishib chiqqan. Buyuk xalq, buyuk el buyuk zotlarni yaratadi. Xalqimizning ko'p yillar davomida olib borgan matonatli kurashi natijasida qaror topgan mustaqil O'zbekistonda bozor munosabatlariga asoslangan odil, haqqoniy demokratik jamiyat qurish stixiyali (ko'r-ko'rona) ravishda emas, balki jahon taraqqiyotining, chunonchi, buyuk zaminimizda yaratilgan tarixiy tajribalarga, g'oyalarga, ma'rifiy-ilmiy taraqqiyotga amal qilgan holda ro'yobga chiqdi. O'zbekiston mustaqillik tomon yo'l tutar ekan 1989-yilning yoz oylari va 1990-yilning bahorida O'zbekiston hayotida uning rahbarligida burilish davri bo'ldi. Xuddi shu paytlarda o'zbek halqining taqdirini hal qiladigan taraqqiyot yo'llari ishlab chiqildi. Xususan, teng huquqli Mustaqil O'zbekistonning inson manfaatini himoya qilish ustivor vazifa deb maqsad qo'ygan demokratik yo'lda rivojlanishi bosh strategik yo'nalish deb belgilandi. Ana shu yo'lning boshida, 1989-yilning iyunidan O'zbekistonning rahbari, 1990-yilni martidan O'zbekiston Respubikasining Prezidenti sifatida Islom Abdug'aniyevich Karimov turdi. Sovetlarning kuchi tugayotgan va alamini kimdan olishini bilmay turgan bir paytda kommunistik mafkura va amaliyotning hayotga zid tomonlarini ikir-chikirigacha tushunib yetgan va dadil oshkora qila biladigan jasoratli, dovyurak I. Karimov o'sha chirib borayotgan tizim uchun ittifoqchi Respublikalarda eng xavfli shaxsga aylandi. Asrlarga teng qisqa vaqtda O'zbekistonda erishilgan yutuqlar, xususan, mamlakatda o'rnatilgan ijtimoiy-siyosiy, iqtisodiy barqarorlik, tarixiy, diniy, milliy qadriyatlarmizning tiklanishi, jamiyatda o'rnatilgan osoyishtalikni, mustaqil O'zbekiston Respublikasining xalqaro hamjamiyatda tutgan o'rnining ortib borishini butun halqimiz, jahon jamoatchiligi Islom Karimov nomi bilan bog'laydi. Dunyo mamlakatlarida yangi jamiyat qurishning O'zbek modeliga uning asoschisi va yetakchisi Islom Abdug'aniyevich Karimovning siyosiy chizmasiga qiziqish ortib bormoqda. Amerika Qo'shma Shtatlarida chiqadigan nufuzli Novoye ...