O'rta Osiyoning qadimgi xalqlari - O'zbek xalqining tarixiy ajdodlari

O'rta Osiyoning Qadimgi xalQlari - o'zbek xalQining tarixiy ajdodlari. Mustaqilligimiz milliy mafkurasining muhim o'zaklarini, xalqimizning tarixini, uning etnik shakllanishi va rivojlanishini, uning xalq va millat shakliga yetib kelguncha bosib o'tgan ko'p yillik bosqichlarini bilish tashkil qiladi. Darhaqiqat, O'zbekistonning hozirgi davri, bundan keyingi taraqqiyoti va istiqboli, hamda uning ijtimoiy, iqtisodiy, siyosiy, huquqiy, madaniy-ma'naviy zaminlarini mustahkamlash uchun mafkura suv bilan havodek zarur. Milliy mafkura butun O'zbekiston xalqining ruhini, his-tuyg'usini, milliy g'urur va iftixorini, kuch-qudratini, orzu-intilishlarini mujassamlantiradigan buyuk g'oyaviy kuchdir. Milliy mafkura tamoyillarini yaratishda yoki vujudga keltirishda o'zbekning o'zligini anglashi, o'zbek so'zini ifodasini ta'rifi, o'zbek xalqining shakllanishida hududimizda qadimda muhim rol o'ynagan ajdodlarimiz, xalqimizning xalq bo'lib shakllanishida qatnashgan turkiy qavmlar haqidagi ma'lumotlar va masalalar ham albatta nazarda tutilishi kerak, chunki o'z xalqining kelib chiqish tarixini, bosib o'tgan yo'lini bilmagan odam fidoiy vatanparvar bo'lolmaydi. O'zbek xalqining shakllanishi jarayonlari, urug', qabila, elat, millat tushunchalari. Turkiy qavmlar. (Turkiy xalqlar tarixiga bir nazar, qadimgi davlatlar va shaharlarda yashagan ajdodlarimiz. Tarixiy turk davlatlari, o'zbek xalqining ajdodlari hayoti va turmushi). Men so'zni yurtboshimiz I. Karimovning so'zlari bilan boshlashni joiz deb bildim. «Biz o'zimizni millat deb bilar ekanmiz, o'zbekchiligimiz haqida aniq tushunchaga ega bo'lishimiz kerak. Turkiy tilli xalq bor, Turk xalqi bor. Buning farqini har bir fuqaromiz, avvalo farzandlarimiz bilib olsin. Turk degan so'z eng avvalo olis o'tmishda Turon mamlakatida tug'ilgan va yashagan xalqing nomini bildiradi. Turk eli deganda mard, yovqur, qo'rqmas, bahodir, mustaqil xalq degan ma'no tushunilgan. Ma'joziy ma'noda sifat vazifasini ham o'tab, ko'rkam, qomati kelishgan, baquvvat, chidamli, chiniqqan, boshga tushganiga shukur qiladigan odam ham tushunilgan. Turkiy xalqlarning tarqalishi ...