O'zbekiston tarixi fanidan o'quv-uslubiy qo'llanma

O'ZBEKISTON RESPUBLIKASI ALOQA, AXBORATLASHTIRISH VA TELEKOMUNIKASIYA TEXNOLOGIYALARI DAVLAT QO'MITASI TOSHKENT AXBOROT TEXNOLOGIYALARI UNIVERSITETI GUMANITAR FANLAR КАFEDRASI O'ZBEKISTON TARIXI FANIDAN (o'quv - uslubiy qo'llanma) Toshkent - 2015 1 1-mavzu: O'zbekiston tarixi fanining predmeti, uni o'rganishning nazariy - metodologik asoslari, manbalari va axamiyati. Markaziy Osiyo jahon sivilizatsiyasining ajralmas qismi. Reja: 1. Tarixning fan sifatidagi orni. Vatanimiz tarixining predmeti va organish ob'ektlari. 2. Tarixni organishning ilmiy-nazariy va uslubiy asoslari, manbalari. 3. Sivilizasiya tushunchasi va uning vujudga kelishidagi tarixiy sharoitlar. 4. Orta Osiyoda ijtimoiy taraqqiyotning paydo bolishi. Ibtidoiy jamiyat bosqichlari va uning asosiy belgilari. 5. Mintaqadagi qadimgi madaniyat, aholining diniy e'tiqodlari. Avesto Zardushtiylikning muqaddas kitobi. O'zbekistonning davlat mustaqilligi xalqimizning uzoq yillar davomida olib borgan og'ir va mashaqqatli kurashining qonuniy natijasidir. Vatanimiz tarixi mustaqillik xalqimizga nihoyatda qimmatga tushganidan, bu yo'lda katta qurbonlar berilganligidan guvohlik beradi. Endilikda xalqimizning o'z taqdiri o'z qo'lida, o'z mamlakatining mustaqilligini mustahkamlash yo'lida astoydil mehnat qilmoqda. O'zbekiston mustaqillik tufayli xalqaro maydonga chiqdi, davlatimiz mustaqilligini dunyodagi barcha nufuzli davlatlar tan oldi, jahon hamjamiyatiga qo'shildi, barcha katta-yu kichik mamlakatlar doirasida o'zining munosib o'rnini egalladi. O'zbekiston Respublikasi Markaziy Osiyo mintaqasida, Amudaryo va Sirdaryo oralig'ida joylashgan bo'lib, qadim zamonlardan beri Sharq bilan G'arbni bog'lab kelgan. Uning maydoni 447,4 ming kv.kmni tashkil etib, G'arbdan Sharqgacha 1425 kmga, Shimoldan Janubgacha 930 kmga cho'zilgan. U hududining hajmiga ko'ra dunyodagi 200dan ortiq davlatlar orasida 56-o'rinni egallaydi. Respublikamiz aholisi 26 milliondan ortiq bo'lib, jahonda 35 o'rinda turadi. Aholini to'rtdan uch qismiga yaqini o'zbeklardir. Sayyoramizda 1600dan ortiq millat va elat yashaydi. O'zbek millatiga mansub aholi son jihatidan dastlabki ellik yirik millatlar qatoridan ...