Sovetlar imperiyasining tanazzulga yuz tutishi

Sovetlar imperiyasining tanazzulga yuz tutishi va O'zbekistonda davlat mustaqilligining qo'lga kiritilishi huquqiy demokratik davlat va fuqarolik jamiyat asoslarining barpo etilishi. Reja: 80-yillarning o'rtalarida SSRda inqirozli vaziyatning yanada keskinlashuvi. Qayta qurish konsepsiyasi». 1991 yil avgust voqealari. KPSS faoliyatining to'xtalishi va SSRning tanazzulga tutishi. O'zbekiston davlat mustaqilligining qo'lga kiritilishi - o'zbek xalqi hayotida mislsiz tarixiy voqea. O'zbekiston Konstitusiyasining qabul qilinishi va uning ahamiyati. Tayanch so'z va iboralar: «O'zbekiston Respublikasi davlat Mustaqilligi tug'risida» gi Qonun, referendum, Prezident saylovlari, Davlat ramzlari, O'zbekiston Konstitutsiyasi, Huquqiy demokratik davlat, fuqarolik jamiyati, ko'ppartiyaviylik, Oliy Majlis, Quyi palata, Spiker, Senat, Vazirlar Mahkamasi, mahalliy boshqaruv, sud hokimiyati, Milliy siyosat, Ommaviy axborot vositalari, II Palatali Parlament. Inqirozli vaziyat «qayta qurish», demokratiya, «kadrlar to'dasi», Farg'ona, Qo'qon fojeasi, ekologik holat, Orol fojeasi, «Paxta ishi», «O'zbeklar ishi», I.A.Karimov O'zbekistonning birinchi Prezidenti, Mustaqillik Deklarasiyasi, Moskvadagi avgust voqealari, SSRning tanazzuli. 1. XX asrning 80-yillar o'rtalariga kelib SSRda tanglik holati keskin kuchaydi, bu hol uning ichki manbalari nimadan iborat, degan masalani keskin qilib qo'ydi. Ma'muriy-buyruqbozlik tizimining yanada kuchayishi oqibatida mamlakatda ishlab chiqarish sur'atlari keskin pasaydi, yalpi mahsulot hajmi kamaydi, ishlab chiqaruvchilarning ishlab-chiqarish vositalaridan begonalashuvi yanada ortib bordi. Boshqaruv tizimining o'ta markazlashganligi va taraqqiyotga to'g'anoq bo'layotganligi markaziy siyosiy rahbariyatni bu yo'nalishda muayyan islohotlar o'tkazishga undadi. To'g'ri, 50 va 60 yillarning o'rtalarida sovet jamiyatini bir oz bo'lsada demokratlashtirish va iqtisodiyotni boshqarish jarayonlarini isloh qilishga urinishlar bo'ldi. Ammo eskilikka yopilib olgan holda ma'muriy tizim doirasida, iqtisodiyotga partiya rahbarligi va uning haddan tashqari mafkura izmida bo'lishi sharoitida qilingan islohotlar kutilgan natijalarni bermadi. «Aksincha - deb ta'kidlagan edi. O'zbekiston Respublikasi Prezidenti I.A.Karimov, ...