Temuriylar davri tarixi tarixshunosligi

Temuriylar davri tarixi tarixshunosligi REJA Temuriylar davlatlari davrida tarixiy bilimlar. Mirzo Ulug'bekning «Tarixi arba'i ulus» asari. XV-XVI asrlarda O'rta Osiyoda feodal ziddiyatlar va kurashlar tarixshunosligi. Tarixchi Xondamirning ilmiy merosi. Muhammad Zahiriddin Boburning «Boburnoma» asari. Alisher Navoiyning tarix ilmiga oid asarlari. Amir Temur va Temuriylar davlati to'g'risida jahon tarixshunosligi. Amir Temur va Temuriylar davri hozirgi davr tarixchilari asarlarida. 1. Temuriylar davlatlari davrida tarixiy bilimlar. Buuyk Turon tuprog'i jahon sivilizatsiyasi rivojlangan kadimiy o'choqlardan biri bo'lganligi tufayli ham bu yerda necha bor renesans-uyg'onish jarayoni uyz berdi. Ammo, Mustaqillik davrigacha Turon tuprog'ida rivojlangan madaniy va ilmiy jarayonlarni o'rgangan g'arb olimlari bu yuksak sivilizatsiyasining ildizlaridan bexabarligi uchun Turon sivilizatsiyasini Eron madaniyatining bir bo'lagi deb, tahlil qilishar edi. Turonlik allomalarni, arab yoki fors allomalari, deb hisoblar edilar. Bu hol Turon tuprog'ida saqlanib qolgan boy arxeologik yodgorliklarning va jahonning mashhur kutubxonalaridagi noyob qo'lyozmalarining kam o'rganilganligi tufayli yuz bergan edi. Bugungi kunga kelib, ahvol tubdan o'zgardi. Endi shuni qat'iy ayta olamizki, Turonning yuksak sivilizatsiyasi ildizlari hech bir chekka o'lkaga borib taqalmaydi, uning ildizlari shu yerdan o'sib chiqqandir. Aksincha, Turon sivilizatsiyasining shu'lasi ko'pgina sharq mamlakatlarida ham madaniyat, san'at va tarixshunoslik kabi, barcha fan tarmoqlarining rivojlanishiga turtki bo'lgandi. G'arb olimlarining yaratgan o'lchovlari bilan hisoblaydigan bo'lsak renesanch - uyg'onish jarayoni bu san'at, fan va madaniyatning yuksak darajada rivojlanishi demakdir. G'arb mamlakatlarida va sharqda yuz bergan renesans jarayonining tahlil qilinishi shuni ko'rsatadiki, bu ikki geografik regionlardagi uyg'onish jarayonlari bir-birlaridan sezilarli farq qiladi. XIV asrning oxirlarida dastlab Italiyada, XV-XVI asrlarda G'arbiy Yevropada yuz bergan neresans jarayoni bu mamlakatlarda hukm surgan feodalizm va uning ...