Turkistonda mustabid Sovet hokimiyatining o'rnatilishi va unga qarshi harakat

Turkistonda mustabid sovet hokimiyatining o'rnatilishi va unga qarshi qurolli harakat Reja: 1917 yil fevral inqilobining Turkistonga ta'siri. O'lkada inqilobiy harakatlar. Mahalliy xalqlarning siyosiy faollashuvi Turkistonda mustabid sovet hokimiyatining o'rnatilishi va uning shovinistik siyosati. Turkistonda qarshilik ko'rsatish harakatining boshlanishi, uning mohiyati va harakatlantiruvchi kuchlari. Xiva honligi va Buxoro amirligining tugatilishi. Tayanch so'z va iboralar: Fevral inqilobi, «Shuroi Islomiya», Shuroi Ulamo, Ittifoqi muslimin, oktyabr to'ntarishi, Turkiston muxtoriyati, Muvaqqat hukumat, istiqlolchilik harakati, Fargona, Buxoro va Xorazm qurboshilari, Yosh xivaliklar, XXSR, yosh buxoroliklar, BXSR. 1. 1917 yilning boshlarida Sankt-Peterburgda bo'lib o'tgan voqealar ta'sirida Turkistonda ham yangi jamiyatni shakllantirish uchun harakatlar boshlanib ketdi. Yuz minglab «mudrok» odamlar uyg'onib, siyosiy faoliyatga kirishdilar. Hukumat tuzilmalarini qayta ko'rishga kirishildi. Hamma joylarda ijtimoiy-siyosiy tashkilot va partiyalar tuzila boshladi. Siyosiy manfaatlarni ancha erkin ifoda qilish imkoniyati paydo bo'ldi. Fevral inqilobi Turkiston aholisi tomonidan zo'r hayajon bilan kutib olindi. Inqilobiy Ko'mita tomonidan e'lon qilingan «Ozodlik, Tenglik, Birodarlik» shiorlari Rossiyaning mustamlakachilik siyosatidan ezilgan musulmonlar kalbida yorkin kelajakka umid uyg'otdi. Biz so'z erkinligi, matbuot erkinligiga egamiz. Endilikda hakikatni aytgan va yozgan paytlarimizda og'zimizni yopishmaydi. O'z huquqlarimizni talab kilgan paytda kulok solishadi»[1]. Ko'pgina shahar va qishloqlarda tartibsiz ravishda miting va norozilik yig'ilishlari boshlandi. Ularda turli demokratik jamoat tashkilotlarini yuzaga keltirish haqida karorlar kilindi. Orzu-umidlar hademay amalga oshadiganday edi. 3 martda e'lon qilingan bayonnoma va 6 martda e'lon qilingan «Rossiya fuqarolariga murojaatnoma»da Muvaqqat hukumat markaziy hokimiyatning organi sifatida demokratik o'zgarishlarning diqqatini tortuvchi dasturini bayon etdi. U siyosiy erkinliklar - so'z, matbuot, uyushmalar tashkil qilish, yig'ilishlar o'tkazish, halkka o'z siyosiy irodasini ifodalash huquqini berish, barcha tabaqaviy, ...