Ishlab chiqarishning zarari va zaharli omillarini inson organizmiga ta'siri

3-AMALIY MASHG'ULOT Ishlab chiqarishning zararli va zaharli omillarini inson organizmiga ta'sirini hisoblash (2 soat) Ishning maqsadi: Ishlab chiqarishning zararli va zaharli omillarini inson organizmiga ta'sirini hisoblash va amaliy ko'nikmalar hosil qilish. Mashg'ulot rejasi: 1. Ishlab chiqarish jarayonlarida zararli omillar va ulardan himoyalanish tadbirlari. 2. Ishlab chiqarishda zararli moddalar va ulardan himoyalanish usullari. 3. Ishni bajarish tartibi. 4. Hisobot tarkibi. Kerakli jihozlar: ShHV, Aspirator, filtr AFA-V-18, filtr uchun allonj, 0,1 mg aniqlikgacha o'lchovchi tarozi, barometr-aneroid, termometr. Topshiriqlar: 1. Ishlab chiqarish jarayonlarida zararli omillarni aniqlang 2. Ishlab chiqarishda zararli moddalarni aniqlanf 3. Belgilangan ish joyi havosi tarkibidagi chang miqdorini aniqlang, ruxsat etilgan miqdor (PDK) bilan taqqoslab, xulosalang. 4. Quyida ko'rsatilgan tarkibda hisobot tayyorlab topshiring. UMUMIY MA'LUMOTLAR Ishlab chiqarish jarayonlarida zararli omillar va ulardan himoyalanish tadbirlari. Ishlab chiqarishdagi zararli omillarning mavjudligi, ishchilarning bu omillar ta'siridan zararlanish darajalarini kamaytirish yoki tugatish muammosini keltirib chiqaradi. Zararli omillar moddiy yoki moddiy bo'lmasligi mumkin: A) moddiy - chang, gaz, tutun, aerozol, bug', kimyoviy moddalar kabilar zararli; jarohatlovchi kuch ta'sirini beruvchi metall qirindi, singan detallar uchishi, olov, yuqoridan tushayotgan yuk kabilar moddiy xavflar sanaladi. B) moddiy bo'lmagan - shovqin, titrash, lazer nuri, elektromagnit maydon, yuqori issiqlik kabilar moddiy bo'lmagan zararli; yuqoridan tushib ketish, zarb to'lqini, vakuum yoki yuqori darajadagi bosim kabilar moddiy bo'lmagan xavflar sanaladi. Zararli omillar bilan zaharli omillar o'rtasida farq qo'yilmagan holda zararli va xavfli omillarga quyidagilarni kiritish mumkin: Xavfli va zararli omillarga quyidagilarni kiritish mumkin: 1) alkogol; 2) havo haroratining me'yorida emasligi; 3) havo namligining me'yorida emasligi; 4) havo harakatining me'yorida emasligi; 5) havo bosimining me'yorida emasligi; 6) noto'g'ri yoritilganlik; 7) havoning noto'g'ri ionizatsiyasi; 8) yaltiroqlik; 9) vakuum; 10) portlash; 11) portlovchi modda; 12) titrash; 13) suv; 14) vulqonlar; 15) balandlik; 16) gaz; 17) gerbitsidlar; 18) chuqurlik; 19) gipodinamiya; 20) gipokineziya; 21) ochlik; 22) mo'z; 23) tog' bosimi; 24) issiq yo'za; 25) og'irlik tayanchi; 26) dinamik zo'riqish; 27) yomg'ir; 28) tutun; 29) o'yuvchi modda; 30) issiqlik; 31) suyuq gaz; 32) kasallik; 33) berkitilgan(germetik) idish; 34) yer qimirlashi; 35) idishdagi bosimning ortiqligi; 36) infratovush; 37) infraqizil nurlanish; 38) uchqun; 39) sakrash (kachka); 40) kinetik energiya; 41) klaustorofobiya; 42) korroziya; 43) ko'chki; 44) lazer nurlanishi; 45) yaproq to'qilishi; 46) magnit maydoni; 47) makroorganizmlar; 48) tibbiy dori-darmon; 49) meteorit; 50) mikroorganizmlar; 51) yashin (momaqaldiroq); 52) bir xillik (monotonlik); 53) havodagi turli gazlar miqdorining me'yorda emasligi; 54) suv toshqini; 55) qizigan yo'za; 56) cho'kindi (idish, quvurda); 57) chuqurlik; 58) mustahkamlikning yetarli emasligi; 59) o'ta xavfli modda; 60) olov; 61) ...