5-sinf Musiqa fanidan O'zbek musiqasida opera janri mavzuda dars ishlanma

Sinf: 5 - sinf Fan: Musiqa madaniyati. Mavzu: O'zbek musiqasida opera janri. Yangi mavzu bayoni O'zbek musiqasida opera janri. O'zbek musiqasi tarixida birinchi opera 1939 yilda yaratilgan, deb ko'pgina kitoblarda yozilgan. Bunga o'sha paytda yosh bastakor bo'lgan Muxtor Ashrafiyning ustozi S.N.Vasilenko bilan hamkorlikda yozgan Bo'ron operasi misol bo'la oladi. O'zbekistonda opera janrining shakllanishishida dastlabki pog'ona bo'lgan Bo'rondan keyin talaygina o'zbekcha operalar dunyoga keldi. Bular - R. Glier va T. Sodiqovning Layli va Majnun, Muxtor Ashrafiyning Dilorom,Shoir xotirasi , Rashid Hamroyevning Zulmatdan ziyo, Sobir Boboyevning Hamza, fidoiylar, Hamid Rahimovning Zafar, Ibrohim Hamroyevning Oyjamol, Ikrom Akbarovning So'g'd elining qoploni, Mutal Burxonovning Alisher Navoiy, Sayfi Jalilning Zebuniso, Mustafo Bafoyevning Umar Xayyom, Ulug'bek Musayev, Nurilla Zokirov,Rustam Abdullayev, Habibullo Rahimov, Avaz Mansurov kabi o'zbek bastaqorining qator operalaridir. Sulaymon Yudakov yozgan opera - Maysaraning ishi birinchi o'zbek hajviy operasi bo'lib, butun dunyoga tanilganini alohida ta'kidlab o'tish lozim. Bolalar uchun yozilgan va sahnalashtirilgan o'zbek operalari ko'p emas. Bular Sobir Boboyevning Yoriltosh, Sayfi Jalilning Malikai ayyor va Avaz Mansurovning Hayvonlar sultoni operalaridir. Yangi mavzuni mustahkamlash. Savol va topshiriqlar. 1. O'zbek musiqasi tarixida birinchi opera qachon va kim tomonidan yaratilgan? 2. Keyinchalik yozilgan operalar va ularning mualliflarini birma- bir sanab o'ting. 3. O'zbek operalaridan tinglangan ariya va qo'shiqlar haqida fikr bildiring. 4. Tulki xirgoyisini solfedjio qilib kuylaganingizda ko'z oldingizga qanday obraz keldi? Uyga vazifa berish: Kutubxonalarda adabiyotlardan va internet sahifalaridan foydalanib o'zbek opera janriga mansub ma'lumotlar to'plab, o'rganig. ...