1-sinf Matematika fanidan dars ishlanma. Qo'shish jadvalini tuzish

Namangan viloyati Norin tumani 6-umumiy o'rta ta'lim maktabi boshlang'ich sinf o'qituvchisi Karimova Go'zalning 1-sinflar uchun Matematika fanidan Qo'shish jadvalini tuzish mavzusidagi ochiq dars bayonnomasi. Mavzu: Qo'shish jadvalini tuzish. Darsning maqsadi: Didaktik materiallar yordamida bir xonali sonlarni qo'shish. Qo'shish jadvalini tuzish. Asosiy tushunchalar: Qo'shish tushunchasi. Qo'shish jadvali Didaktik materiallar: Sonli kartochkalar(har bir o'quvchiga), sanoq cho'plar, Qo'shish jadvali plakati(doskaga ilish uchun) Darsning texnologik xaritasi: Mavzu:Qo'shish jadvalini tuzish Kirish: O'qituvchi: O'quvchilar sog' omonmisiz? Bugungi darsga tayyormisiz? O'quvchilar:Hammamiz sog' omonmiz, Ustoz darsga tayyormiz! Kun mashqi O'quvchilardan bugungi sana va faslni so'raladi.Faslga xos tabiat o'zgarishlari haqida suhbatlashiladi. Navbatchi o'quvchi hisoboti tinglanadi. O'tilgan mavzularni takrorlash maqsadida Matematik diktant mashqi o'tkaziladi.(o'quvchilarning har biriga 11dan 20 gacha bo'lgan raqamli kartochkalar tayyorlab qo'yiladi) O'qituvchi:Hozir men sizga sonlarning xona birliklarini aytaman,siz esa sonni raqamli kartochkalaringizdan ko'rsatasiz. 1ta o'nlik 3ta birlik(13). 1ta o'nlik 8ta birlik(18) va hokazo. O'quvchilar diqqatini darsga jalb qilish maqsadida Ziyrak o'quvchi o'yinini o'ynaymiz. Ziyrak o'quvchi Rasmda qanday shakllardan nechtadan foydalanilganligini topadilar. ASOSIY QISM: Bugun biz siz bilan 2ta bir xonali sonlarni qo'shib unung qiymatini jadvalga joylashni o'rganamiz. Doskaga qo'shish jadvalini joylashtiramiz.O'quvchilardan doskada berilgan bir xonali sonlarning qo'shish jadvali qanday to'ldirilganligini partadoshi bilan muhokama qilishini so'raymiz.O'quvchilar 3+4, 5+8 yig'indilar nechaga teng bo'lishini jadvaldan topadilar. MUHOKAMA 1-qism O'quvchilar javoblari bilan o'rtoqlashadilar. Kamida 3 nafar o'quvchidan sinfga javoblarni topish jarayonini tushuntirishini so'raladi. Jadvalda nimaga e'tibor berdingiz? Ustun va qatordagi sonlar kesishgan joyda qanday son turibdi? Ikki sonning yig'indisini qanday topdingiz? Javalda qanday qonuniyatni kuzatish mumkin? Tushuntirish modeli jadvalning birinchi qator birinchi ustunidagi sonlarning kesishgan joyida shu ikki sonning yig'indisi yozilgan ...