3-sinf Ona tili va o'qish savodxonligi fanidan Sen mening qahramonimsan ochiq dars ishlanma

Surxondaryo viloyati Oltinsoy tumani 34 -umumta'lim maktabi boshlang'ich sinf o'qituvchisi Quvonov Safaralining ONA TILI VA O'QISH SAVODXONLIGI Fanidan '' SEN MENING QAHRAMONIMSAN'' mavzusida tayyorlagan 1 soatlik ochiq dars ishlanmasi. Sana: 17. 11 2023 yil SINF:3 Mavzu: SEN MENING QAHRAMONIMSAN Ta'limiy: o'quvchilarni sen mening qahramonimsan mavzusi bilan tanishtirish, yangi mavzuni yangi ped.texnologiyalar yordamida tushuntirish. FK 1: hikoyada ongli, ifodali, to'g'ri o'qiy olish. Tarbiyaviy: o'quvchilarda Vatanning ostonadan boshlanishi va uning muqaddasligi yuzasidan umumiy tasavvur hosil qilish, ona Vatanga bo'lgan muhabbatni o'stirish. TK 5: hikoyada aks etgan vatanparvarlik g'oyasini singdirish. Rivojlantiruvchi: o'quvchilarning asar mazmuniga doir savol va topshiriqlar bilan ishlash, matndagi so'z, gaplarning ma'nolarini izohlay olishi, lug'at ustida ishlash, ongli va ifodali o'qish ko'nikmalarini rivojlantirish. FK 2: o'qilgan hikoya mazmuniga doir savol va topshiriqlarga javob bera olish. Dars turi: yangi tushuncha va bilimlarni shakllantiruvchi. Dars metodlari: suhbat, tushuntirish, Zanjir usuli, 'baliqni tut mashqi, Mohir jurnalist, to'rt taraf metodi o'yinlari. Dars jihozlari: rasmlar, tarqatma materiallar, multimedia ilovalari. Darsning borishi: I.tashkiliy qism. Salomlashish,davomatni aniqlash. O'qituvchi: Sinfda kim navbatchi? Navbatchi: Sinfda men navbatchi Ustozimga yordamchi, Pok tutaman xonani Hamda yozuv taxtani. Ustozimiz shod bo'ling Bugun hamma shu yerda Darsingizni miriqib Eshitish umidida. O'qituvchi: Endi sinfdagi o'quvchilar bilan tanishib olamiz.,,Zanjiro'yini orqali o'quvchilar ismlarining bosh harfi bilan boshlanadigan sifatlarini aytadilar. O'quvchilar: Ahrorbek-a'lochi, Madina-mehnatkash, Saida-sadoqatli, O'qituvchi: Sizlarga savol beraman, javobini aytasiz. 1-savol.Kechqurun yo'llarimizni yoritib turuvchi osmon jismi? ( Oy) 2-savol.Hamma insonlar uning uvog'ini ham ko'zga surtib qadrlaydigan ne'mat? (Non) 3-savol.Inson tug'ilganidan keyin ilk bor eshitadigan onalar qo'shig'i? (Alla) 4-savol. So'zlarni talaffuz qilganimizda faol ishtirok etuvchi nutq organlaridan biri?(Til) ...