5-sinf Tarixdan dars ishlanma. Turkiston ma'rifatparvarlari

O'zbekiston RespublikaSI MAKTABGACHA VA MAKTAB TA'LIMI VAZIRLIGI Buxoro viloyat Kogon shahar xalq ta'limi bo'limiga qarashli 8-umumiy o'rta ta'lim maktab tarix fani o'qituvchisi RAMAZONOVA MOHIRA SHARIFOVNAning 5-sinflarda Turkiston ma'rifatparvarlari mavzusini o'tish uchun METODIK TAVSIYASI KIRISH Globallashuv jarayonlarining jadallashuvi davlat ta'lim standartlarini, o'quv dasturlarini qayta ko'rib chiqishni, keng bilimga ega bo'lgan mantiqiy fikrlay oladigan yoshlarni voyaga yetkazishga xizmat qiladigan takomillashgan me'yoriy hujjatlar o'quv-metodik majmualar yaratishni taqozo etmoqda. Ijtimoiy fanlardan o'qitish samaradorligini oshirish maqsadida o'quvchilarning yosh va psixo-fiziologik xususiyatlariga mos o'quv-uslubiy qo'llanmalar, uslubiy tavsiyalar yaratildi. Mustaqil O'zbekistonning kelajagi bo'lgan yosh avlodni tarbiyalash, ular ongida milliy istiqlol tafakkurini va vatanparvarlik g'oyalarini shakllantirishda Vatan tarixining o'rni va imkoniyatlari cheksizdir. Bugungi kunda fan o'qituvchisining tarixiy manbalar va ilmiy asarlarni o'qish darajasining pastligi eng asosiy dolzarb muammolardan biridir. Mavjud ilg'or pedagogik texnologiyalar axborot-kommunikatsion vositalardan foydalanish turli o'yinlarni qo'llab dars o'tish har bir o'qituvchining o'z mahorati, zukkoligi, tashkilotchiligiga bog'liq va bu usullar mutlaq emasdir. O'z fanini va kasbini yaxshi ko'rgan va hurmat qilgan o'qituvchilarimiz faqat maktab darsliklari bilan cheklanmasdan o'z ustlarida muntazam ishlashlari,tarixiy manbalar va monografiyalardan foydalanib bilim salohiyatlarini oshirishlari maqsadga muvofiq. Tarix o'qituvchisining qo'shimcha adabiyotlar bilan ishlashi, eng so'nggi tarixiy tadqiqotlar natijasi bilan doimiy tanishib borishi va mustaqillik davrida sodir bo'lgan eng asosiy ma'lumotlardan boxabar bo'lib, dars jarayoniga tadbiq etib borsa, o'quvchilarning tarixiy tafakkuri rivojidagi asosiy vazifalari bajariladi. O'zbekistonda tarixiy jihatdan qisqa bir davrda tarix fanini o'rganish va o'qitish bobida keng ko'lamli ishlar amalga oshirildi. O'zbekistonning nihoyatda boy sermazmun tarixini yosh avlodga o'rgatish, ularni vatanparvarlik ruhida tarbiyalash fan o'qituvchisining ma'naviy-axlodiy burchidir. Xalqimiz mustaqillikni osonlikcha qo'lga kiritgani yo'q, ...