5-sinf Ona tili va adabiyot fanidan Maqollar mavzusida dars taqdimot ishlanma

Maqollar Topshiriq. Hikoyani o'qing va unga maqol bilan ifodalangan sarlavha tanlang. Bir o'g'il otasi bilan ketayotib, yiqilib tushdi va og'riqdan Oh deb yubordi. Tog' ortidan xuddi shunday ovoz eshitildi. Bola hayron bo'lib: - Sen kimsan? - deb baqirdi. - Sen kimsan? - deb so'radi ovoz. - Sen qo'rqoqsan! - dedi bola. - Sen qo'rqoqsan! - dedi ovoz. Bolaning hayronligini ko'rib otasi: Sen ajoyibsan! - deb baqirdi. Ovoz endi mana shu ajoyib so'zni qaytardi. Bolam, - dedi ota, - bu - aksi sado. Aslida, bu hayot degani, hayot berganingni qaytaradi. 358-mashq. Hikoyadan xulosa chiqaring. Berilgan o'zbek xalq maqollari orasidan shu matnga moslarini ajratib ko'chiring. 1. Birovga kesak otsang, u senga tosh otadi. 2. Suvga solsang, suv ko'tarmas misqol temirni, Oltin bilan olib bo'lmas qolgan ko'ngilni. 3. Boboning tol ekkani o'ziga nom ekkani. 4. Musht ursang, shapaloq kut. 5. Guruchning kurmagi, yomonning to'qmog'i bor. 6. Daryoga yaxshilik qilsang, ajrini biyobon (cho'l) dan topasan. 7. Elga qilma xiyonat, turolmassan salomat. Maqollar Maqollar xalqning hayotiy tajribasi, donishmandligi natijasida maydonga keladi. Ular nutqqa tayyor holda olib kiriladi. Ularda fikr aniq, xulosa tugal, ifoda lo'nda bo'lishi kerak. Maqollar Maqollar fikrni ta'sirchan, bo'yoqdor qilib ifodalaydi. Nutqda maqollardan o'rinli foydalanish so'zlovchining mahorati hisoblanadi. Bejiz Ilm o'lchovi - aql, zehn o'lchovi - naql, deyilmaydi. Maqollar, asosan, bir, ikki misrali bo'ladi. Ularda antonimlardan keng foydalaniladi. 360-mashq. Besh luqma topshirig'i. Vatan va vatanparvarlik haqidagi ushbu maqollarni o'qib, sharhlashga harakat qiling. Ular asosida 5 gapdan iborat matn tuzing. 1. To'ygan yerdan tug'gan yer yaxshi. 2. Sigirning suti - tilida, yerning quti (baxti) ...