4-sinf Ona tili fanidan dars ishlanma. So'z o'zgartiruvchi qo'shimchalar

O'zbekiston Respublikasi Xalq ta'limi vazirligi Namangan viloyati Norin tumani XTB ga qarashli 16- o'rta ta'lim maktabi 1-toifali boshlang'ich sinf o'qituvchisi Jo'rayeva Hilolaning 4-sinf uchun ona tili fanidan bir soatlik 4- sinf Ona tili Darsning mavzusi: So'z o'zgartiruvchi qo'shimchalar 130-131-mashqlar Darsning maqsadi: 1. Ta'limiy : O'quvchilarga so'z va so'z tarkibi haqida kengroq tushuncha berish, gapda so'zlarni bir-biriga bog'lovchi qo'shimchalar haqida tushuncha berish 2. Tarbiyaviy: Buyuk bobolarimizdan faxrlanishga, ularga munosib farzand bo'lishga, kitobni sevishga o'rgatish 3. Rivojlantiruvchi: Yozma va o'g'zaki nutqini o'stirish orqali o'quvchilarning mustaqil fikrlash qobiliyatini, husnixat malakasini rivojlantirish Lingvistik kompetensiya: so'z o'zgartiruvchi qo'shimchalarni farqlay olish, ulardan yozma nutqda to'g'ri foydalanishni shakllantirish. Darsning metodi: Aqliy hujum, og'zaki bayon tushuntirish, matn bilan ishlash, savol-javob, mustaqil ishlash, qisman izlanish metodi, fikr almashish metodi, zinama -zina o'yini, klaster usuli. Darsning jihozi: Komputer, proyektor, mavzuga oid bo'lgan ajdodlarimiz rasmlari, tarqatmali materiallar, magnit doska, marker va boshqalar. Darsning borishi: I. tashkiliy qism O'quvchilar bilan salomlashish , navbatchi hisobotini tinglash . O'qituvchi: Hozirgi darsimiz qanday dars? O'quvchilar: Ona tili (jo'r) Birinchi o'quvchi: Jamiki ezgu fazilatlar inson qalbiga, avvalo, ona allasi, ona tilining betakror jozibasi bilan kiradi. Ona tili bu millatning ruhidir. O'z tilini yo'qotgan har qanday millat o'zligidan judo bo'lishi muqarrar deb aytgan edi Birinchi Prezidentimiz I. A. Karimov. Ikkinchi o'quvchi: Ona tilimiz xalqimizning ko'p asrlik boy tarixi, ko'hna va serqirra madaniyati orqali shakllangan. Ulug' shoirimiz, so'z mulkining sultoni bo'lgan Alisher Navoiy shu tilda bebaho asarlar yaratib dunyoni lol qoldirganlar. Uchinchi o'quvchi : Abdulla Oripovning Ona tilim she'rini aytadi. Ming yillarkim bulbul kalomi, O'zgarmaydi yaxlit hamisha. Ammo ...