4-sinf Ona tili fanidan Sanoq va tartibni bildirgan so'zlar dars ishlanma

O'zbekiston Respublikasi Xalq ta'limi vazirligi Andijon viloyati xalq ta'limi boshqarmasi Asaka tumani XTMFMT va TE bo'limi tasarrufidagi 24-umumta'lim maktabi Ona tili va adabiyot o'qituvchisi Diloromxon Abduvaliyevaning Ona tili fanidan Sanoq va tartibni bildirgan so'zlar mavzusidagi bir soatlik Sana:04.03 Ona tili.4-sinf Darsning jihozi: Didaktik Mavzu yuzasidan plakatlar to'plami, qog'oz va markerlar ,testlar,rasmlar. Darsning borishi: O'quvchilarni uch guruhga bo'lib, partalarga joylashadi. tashkiliy qism. 1.Salomlashish. Davomatni aniqlash. 2.Navbatchi axborotini tinglash.O'quvchilarni darsga tayyorlash 3.Kirish suhbati o'tkazish. O'qituvchi: Assalomu alaykum aziz o'quvchilar. O'quvchilar: Vaalaykum assalom. O'qituvchi: Zdrastviyte O'quvchilar: Zdrastviyte. O'qituvchi: Hozirgi darsimiz Ona tili darsi.Shoirlarimizdan biri bu darsga bo'lgan muhabbatini shunday ifodalagan edi.Shu satrlarni sizlarga o'qib beraman. Chiroyli yoz ,yozsang xat, Chunki bu ham zo'r san'at. Shuning uchun hozir shart, husnixatga muhabbat. Sinfimiz o'quvchilari sizda qanday shior bor.Birgalikda aytamiz. O'quvchilar: Bilim olib charchamaymiz, Yurt koriga yaraymiz. O'qituvchi: Barakalla,bolajonlar!Endi sizdek bilimdon o'quvchilarimga savollarim bor.Diqqat bilan tinglang va javob bering! 2016 yil qanday yil deb e'lon qilindi? -Sog'lom ona va bola yili Yurtboshimiz siz bolalar haqida qanday fikr bildirganlar?-Farzandlarimiz bizdan ko'ra dono,bilimli va albatta baxtli bo'lishlari shart. I.A.Karimov Siz bolalar yurtboshimizning bu gapiga qanday javob berasiz? Yuqoridagi ikki savollarga guruh sardorlari javob beradilar.Uchinchi savolga sinf o'quvchilar birgalik javob beradilar.Sinf shiori aytiladi. O'quvchilar: Kamol topib,halol o'sib, Xalq yo'lida hur bo'lamiz. Maqsad sari intilamiz,adashmaymiz, Yurt deganing yuragida qor bo'lamiz! O'qituvchi: Barakalla,bolalar! Navbatchi axborotini tinglanadi. O'qituvchi: Bizning Ona tilimiz qaysi til? O'quvchi: O'zbek tili so'zga boy, Sizga ayon hoynahoy. Men shu tilda so'zlayman. Va shu tilda kuylayman. O'quvchilardan tilhaqida she'rlar so'raladi. O'qituvchi: Biz Ona tili darsida nimalarni o'rganamiz? ...