5-sinf. Izohli lug'at

Izohli lug'at (davomi) Topshiriq. Matnni o'qing, ajratib ko'rsatilgan gap bo'yicha o'z munosabatingizni bildiring. Alisher Navoiy Layli va Majnunda so'zni, demakki, tilni aytgan bilan sovimaydigan tarona, olgan bilan tugamaydigan xazina deb biladi: Aytib sovumas taronasan sen, Olib qurimas xizonasan sen. Chindan ham, til - aql kaliti. Tilning asosiy manbayi - so'z. Biroq so'zlar odamlar, ya'ni shu til egalari va uni bilganlar ongidagina mavjud. Agar yozib olinmasa, bir joyga jamlanmasa, ma'nolari izohlanmasa, uning ham bir qismi bugun-erta unutilishi, yo'qolib ketishi hech gap emas. Shuning uchun ham qadim-qadimdan olimlar lug'at tuzib, so'zlarni, ular anglatgan ma'nolarni kitobga muhrlab qo'yish tadorigi (tayyorgarligi)ni ko'rgan. (Sultonmurod Olim) Munosabat bildiring. 395-mashq Х. Bekmuhamedovning Tarix atamalarining izohli lug'atidan olingan parchani ko'chiring. So'zning ma'nosiga diqqat qiling. KARVONSAROY - Sharq, O'rta Osiyo, Kavkaz shaharlarida va savdo yo'llarida savdogarlar, sayyohlar va boshqa yo'lovchilar qo'nib o'tishlari uchun qurilgan joy - robot bo'lib, unda mehmon-xona, oshxona, otxona, ombor, oziq-ovqat, ulov uchun yem-xashak mavjud bo'lgan. O'rta Osiyoning katta shaharlarida bir nechtadan karvonsaroylar bo'lgan. 396-mashq Tibbiyot qomusiy lug'atidan olingan parcha asosida bolalarda uchraydigan kasalliklar to'g'risida suhbatlashing. ASTMA - kelib chiqish sabablari turlicha bo'lib, o'tkir rivojlangan bo'g'ilish xurujlarining umumiy nomi (nafas siqishi). 397-mashq. Quyidagi so'zlarning izohini yozing va uni O'zbek tilining izohli lug'atida berilgan ta'rif bilan solishtiring. Kitob, qalam, ma'naviyat, ma'rifat, dars, mashg'ulot. 398-mashq. Uyga vazifa Sog'lom tanda - sog' aql mavzusida matn tuzing. Tavsiya etiladigan so'zlar va birikmalar: badantarbiya, tozalik, yugurish, mashg'ulot, to'g'ri ovqatlanish, vaqtida uxlash, kitobxonlik. E'TIBORINGIZ UCHUN RAHMAT! Foydalanilgan adabiyot: N. Mahmudov, A. Sobirov, Sh. Sattorov, Sh. Toshmirzayeva, D. Mannopova. Ona tili. Umumiy o'rta ...