5-sinf. Sinonimlar. Sinonimik qatorda bosh so'z

Sinonimlar. Sinonimik qatorda bosh so'z - Donoxon, ma'nodosh so'zlar haqida gaplashaylik. Kulmoq so'zining ijobiy yoki salbiy shaklini ayta olasizmi? - Jilmaymoq so'zida ijobiy, tirjaymoq so'zida salbiy munosabat aks etadi. 261-mashq. Xalqimizning hikmatli so'zlarini yozing. Ma'nodosh so'zlarni aniqlang va ular ichidan eng ko'p qo'llanadigan so'zni toping. 1. Betamizda bet bo'lmas, Bezorida - uyat. 2. Qizil yuzing qizartirma, Uzun tiling qisqartir. 3. Afting qiyshiq bo'lsa, oynadan o'pkalama. 4. Kulgi chehra yoritar. 5. Odamning yuzi quyoshni uyaltirar. 6. Turq boshqa-yu, ko'z boshqa. 7. Chiroy husn-u jamolda emas, fazl-u kamolda. Topshiriq. Lidiya Batning Hayot bo'stoni asaridan olingan parchani o'qing. Undagi g'oya bo'yicha fikr bildiring. Ajratib ko'rsatilgan so'zlarning ma'nodoshlarini toping. Alisherga sovg'a qilingan kitob yo'qolgani yo'q, qalbiga jo bo'lib qoldi. U tirik ekan, xotirida yashaydi. Alisher quvonch va hayajon bilan o'rnidan turdi. Boyadan beri bolani kuzatib turgan Sharafiddin mehr bilan uning boshiga qo'lini qo'ydi-da: Ilmingni kamol toptir, ilm zeb-ziynating bo'lsin, zeroki, ilm insonning yo'lchi yulduzidir, - dedi. § Sinonimlar - Shakli har xil bo'lib, ma'nosi bir xil bo'lgan so'zlar sinonimlar deyiladi: aylanmoq-kezmoq-sayr qilmoq. - Bir umumiy ma'nosi bilan o'zaro bog'lanuvchi so'zlar guruhi sinonimik qator deyiladi. Bu qatorda ikki yoki undan ortiq so'z bo'lishi mumkin. Bu qatordagi ma'nosi betaraf, ko'p qo'llanadigan asosiy so'z dominant, ya'ni bosh so'z deb ataladi: YUZ (DOMINANTA) - aft, bet, turq, bashara, chehra, chiroy, oraz, ruxsor. - Sinonimlar gapda takrorga yo'l qo'ymaydi. Ular nutqni ta'sirli bo'lishiga yordam beradi va bu sinonimlar bir so'z turkumi doirasida yuzaga keladi. - Sinonimik qatorni tashkil etgan so'zlarning ayrimlari tub, ayrimlari yasama bo'lishi mumkin: his-tub so'z, sezgi-yasama ...