5-sinf Tarix fanidan Eng qadimgi odamlar va ularning manzilgohlari dars taqdimot

Eng qadimgi odamlar va ularning manzilgohlari 5-sinf Tarix fani darsligi asosida 5-mavzu Afrikadagi qadimgi manzilgohlar. Odamzod bugungi qiyofasiga, aql-idrok va taraqqiyot darajasiga birdaniga erishgan emas. Arxeolog olimlar odamzodning eng qadimgi ajdodlari suyak qoldiqlarini dastlab Janubiy va Sharqiy Afrikadan topdilar. Antropolog olimlar esa odamlarning suyak qoldiqlaridan ularning tashqi qiyofalarini tikladilar. Bu odamlar yashagan manzilgohlardan eng soda mehnat qurollarining qoldiqlari ham topildi. Olimlar sodda bo'lsa-da, dastlabki mehnat qurolini yasay olganajdodlarimizni «ishbilarmon (o'quvi bor) odam» (homo sapiens) deb ataganlar. «Ishbilarmon odam» dastlabki mehnat qurolini tosh (chaqmoqtosh)dan yasagan. Shuning uchun ham insoniyat tarixining boshi tosh asri (tosh davri) deb ataldi. Osiyodagi qadimgi manzilgohlar. Osiyoda qadimgi odamlarning manzilgohlari Indoneziya va Xitoy hududlaridan topilgan. Olimlar suyak qoldiqlari Indoneziya hududidan topilgan insoniyat ajdodiga pitekantrop (Yava odami), Xitoy hududidan topilgan ajdodini esa sinantrop (Xitoy odami) deb atashdi. Ular bir-birlaridan tashqi qiyofasi, yaratgan mehnat qurollari, ularning sifati va mehnat malakalari bilan farq qilgan. Sinantroplar tabiiy olovdan foydalanishni bilib olishgan. Ular bunga yashin tufayli o'rmon yong'inlari kelib chiqishi natijasida hosil bo'lgan olovni saqlab qolish yo'li bilan erishganlar. Yurtimizda sinantropga zamondosh odamlarning suyak qoldiqlari va ular yaratgan mehnat qurollari Farg'ona vodiysining Selung'ur g'oridan topildi. Yevropadan topilgan qadimgi inson izlari. Davrlar o'tishi bilan odamning tashqi qiyofasi, aql-idroki va mehnat quroli yasay olish malakasi tobora mukammallashib bordi. Neandertal odam (Teshiktosh g'ori). O'zbekiston hududidagi qadimgi manzilgohlar. O'zbekistonda neandertal qiyofali odam suyaklari qoldiqlari Surxondaryo viloyati hududidagi Teshiktosh g'oridan topildi. Neandertal odamlar Miloddan avvalgi 40-12-ming yilliklar oralig' ida yashagan odam suyaklari qoldiqlari Fransiyaning Kromanyon g'oridan topildi. Kromanyon odam (Fransiya). O'zbekiston RespublikaSI MAKTABGACHA VA MAKTAB TA'LIMI VAZIRLIGI ...