5-sinf Tarix dars ishlanma. Ikkinchi jahon urushi

Ikkinchi jahon urushi 5-sinf Tarix fani darsligi asosida 42-mavzu Ikkinchi jahon urushining sabablari. 1933-yilda Germaniyada nemislarning boshqa xalqlar ustidan hukmronlik qilishini da'vo qiluvchilar hokimiyat tepasiga kelishdi. U o'z oldiga Birinchi jahon urushidagi mag'lubiyat uchun g'oliblardan o'ch olish, dunyoni qayta bo'lish, Yevropani bo'ysundirish, so'ngra dunyoda hukmron bo'lib olish maqsadini qo'ydi. Ularning yo'lboshchisi Adolf Gitler mamlakatda o'zining yakka hukmronligini o'rnatdi. Adolf Gitler Bu mudhish maqsadni ro'yobga chiqarish uchun zo'r berib yangi urushga tayyorgarlik ko'rdi. Italiya va Yaponiya bilan o'zaro ittifoq tuzdi. Chunonchi, 1939-yilning 1-sentabrida Germaniya Polshaga hujum qildi. Bunga javoban Buyuk Britaniya va Fransiya Germaniyaga qarshi urush e'lon qildilar. Buyuk Britaniya va Fransiya Polshani saqlab qolish uchun qat'iy choralar ko'rmadi. Oqibatda Polsha 17 kunda taslim bo'ldi. Urushning borishi. Urush boshlangach, Germaniya juda qisqa muddat ichida deyarli butun G'arbiy Yevropadavlatlarini bosib oldi. Ikkinchi jahon urushi yillarida sobiq Sovet Ittifoqi ishlatgan qurol - katyusha. 1940-yilda hatto Fransiyani ham tor-mor etdi. Uning navbatdagi maqsadi Buyuk Britaniya va sobiq Sovet Ittifoqini bo'ysundirish edi. Sobiq Sovet Ittifoqi poytaxti Moskva shahrining bosib olinishiga oz qoldi. Germaniya qo'shini dastlab shiddat bilan birin-ketin zafar quchib olg'a siljidi. Nihoyat, 1945-yilning 8-may kuni Germaniya ittifoqchi davlatlar oldida so'zsiz taslim bo'ldi. Bu haqda tegishli hujjat ham imzolandi. Germaniyaning taslim bo'lganligi haqida hujjat imzolanmoqda. Urushning fojiali oqibatlari. Ikkinchi jahon urushi urushlar tarixidagi eng dahshatli urush bo'ldi. Urushda 60 dan ortiq davlat qatnashdi. Gitlerchilar o'zlari bosib olgan hududlarda nafaqat katta yoshdagilarni, hatto bolalarni ham ishlatish uchun olib ketishdi. Ular va asir olingan askarlar maxsus lagerlarda saqlandi. Sobiq Sovet Ittifoqi hukumati fashistlar Germaniyasi ustidan qozonilgan ...