5-sinf Tarix dars ishlanma. Spitamenning qahramonligi

Spitamenning qahramonligi 5-sinf Tarix fani darsligi asosida 30-mavzu Makedoniyalik Aleksandrning O'rta Osiyoga yurishi. Miloddan avvalgi IV asr o'rtalarida Yevropada Makedoniya davlati tashkil topdi. Uning podshosi Filip II bosqinchilik urushlari olib boorish uchun katta qo'shin to'pladi. Biroq u o'ldirilgach taxtni 20 yashar o'g'li Aleksandr egalladi (mil. avv. 356-323-yillar). U juda ko'p mamlakatlarni bosib olib, Makedoniyalik Aleksandr nomi bilan mashhur bo'ldi. Boshqa bosqinchilar qatori Aleksandrni ham yurtimizning bitmas-tuganmas boyliklari o'ziga rom etgan edi. Shuning uchun ham u Vatanimizni bosib olishga intila boshladi. Miloddan avvalgi 329-yilda dastlab Baqtriyani bosib oldi. So'ng So'g'diyonaga qarshi yurish boshladi va Marokanda (hozirgi Samarqand) shahrini egalladi va uni o'zining qarorgohiga aylantirdi. Makedoniyalik Aleksandr Spitamenning qahramonligi Bosqinchilar yurtimizni hech qachon osongina bosib ololmaganlar. Turonning mard o'g'lonlari bu safar ham Vatan ozodligi yo'lida mardlarcha kurashdilar. Bu ozodlik harakati uch yil davom etdi. Unga ug'diyonalik mohir lashkarboshi Spitamen rahbarlik qildi. Gullab-yashna, go'zal Sug'diyona, Biz shu Vatan o'g'lonlarimiz. Sen uchun bizlar parvona Senga qurbon bo'lsin jonimiz. Spitamen. Sug'diyonaliklar quyidagi vatanparvarlik qo'shig'ini baralla kuylar edilar: Spitamen boshchiligidagi qo'zg'olonchilar dastlab Marokanda shahrida qoldirilgan Aleksandr qo'shinini tor-mor etib shaharni egalladilar. Buni eshitgan Aleksandr Spitamen qo'zg'olonini bostirish uchun katta qo'shin yubordi. Biroq Spitamen ularni ham tor-mor keltirdi. Endi Aleksandrning o'zi katta qo'shin bilan kelib, Marokandani qattiq iskanjaga oldi. Og'ir janglarning birida Aleksandr hatto yarador ham bo'ldi. U dastlab Spitamenga, agar qo'zg'olonni to'xtatsa, unga Sug'diyona hokimligini in'om etmoqchi ekanligi haqidagi xabarni yubordi. Biroq Spitamen Vatanini sotishdan ko'ra o'limni afzal ko'rib rad javobini berdi. Endi, Aleksandr hiyla-nayrang yo'liga o'tdi: «Spitamen yo'q qilinishi kerak! - deb o'ylardi Aleksandr. - ...