Tasviriy san'at fanidan Yangi yil mavzusida devoriy gazeta ishlash taqdimoti

5-sinf tasviriy san'at darsligi asosida 16-mavzu: «Yangi yil» mavzusida devoriy gazeta ishlash. Nazorat ishi Yangi yil bayrami eski yilni kuzatib, yangi yilni kutib olishdan boshlanadi. Bu bayram esa, barcha davlatlarda an'anaviy bayram tarzida nishonlanadi. Bayramni archa atrofida nishonlash bir an'ana tusiga kirib qolgan. Yangi yil bayramida qorbobo va qorqizning kelishi ko'proq kutiladi. Yangi yilni kutib olish barcha davlatlarda o'z oilasida nishonlanadi. Bu bayramda archa yasatilib, unga turli xildagi o'yinchoqlar osiladi va bezatiladi. Odamlar yuzida tabassum, bayram quvonchlari bo'ladi. Albatta, «Yangi yil» mavzusida devoriy gazeta ishlanadi. Yangi yil bayramiga devoriy gazeta tayyorlashda ikkita vatman qog'ozni birlashtiramiz. Birlashtirilgan qog'ozga yangi yil mavzusining nomi bosh mavzu etib olinadi, yangi yil bayramiga bag'ishlangan rasmlar qalamda chiziladi. Tayyorlangan o'yinchoqlar rasmi gazetaning kerakli joylariga joylashtirib chiqiladi. Yangi yil bayramiga tayyorlanayotgan devoriy gazetaning rasmlari, yozuv qismlari ranglar jihatidan bir-biridan farqlanadi va o'xshashliklari uyg'unlashtiriladi. Yangi yilga bag'ishlangan devoriy gazetani yana bir bor ko'rib chiqiladi. Tayyorlangan gazetani maktabda o'tkaziladigan kechalarda, ota-onalarni yangi yil bayrami bilan tabriklashda foydalanish mumkin. 1. Yangi yil bayrami qanday bayram? 2. Yangi yil bayrami mavzusida rassomlar tomonidan ishlangan asarlarni tahlil qiling. 3. Yangi yil bayramiga bag'ishlangan devoriy gazetaga archa, qorbobo va qorqiz rasmlarini tasvirlang. 4. Devoriy gazetani tayyorlashda qanday ranglardan ko'proq foydalaniladi? ...