Tasviriy san'at fanidan Yil davomida bajarilgan ishlarning yakuni taqdimoti

5-sinf tasviriy san'at darsligi asosida 34-mavzu: Yil davomida o'zlashtirilgan bilimlarni aniqlash yuzasidan savollar bilan boshlanadi. Ular quyidagi mazmunda bo'ladi. 1. Tasviriy san'atning qanday ifodaviy vositalarini o'rgandingiz? 2. Tasviriy san'at darslarida qanday o'quv qurollari ishlatiladi? 3. Tasviriy san'atda qanday atamalarni bilasiz? 4. Rassomlarning qaysi asarlari nomlarini bilasiz? 5. Haykaltaroshlarning qaysi asarlarini bilasiz? 6. Animalistik janr nima va kimlar bu janrda ishlagan? Berilgan javoblar orqali bilimlar aniqlanadi. Yil davomida bajarilgan amaliy ishlar (qalamtasvir, rangtasvir, haykaltaroshlik va boshq.) namoyish etilib, tahlil qilinadi. Navbatdagi topshiriqlarda yozgi ishlar haqida yo'l-yo'riq va ko'rsatmalar beriladi. U taxminan quyidagi mazmunda bo'ladi. Yil davomida tasviriy san'atdan egallangan malakalarni mustahkamlash va bilimlarni kengaytirish maqsadida yozgi ta'til kunlarida tasviriy san'at bilan shug'ullanib turishga to'g'ri keladi. Buning uchun vatman va akvarel qog'ozlar, oddiy qora va rangli qalamlar, akvarel bo'yog'i, mo'yqalamlar, plastilin, ko'mir, sangina va boshqalarni ishga taxt qilib qo'yish kerak. Tasviriy va amaliy san'atga oid reproduksiyalarni, rassomlar asarlarining nusxalarini turli jurnallardan olib to'plash kerak bo'ladi. Albatta, asarni yaratgan rassomning va asarning nomini, yilini yozib qo'yish lozim. Ta'til kunlarida tevarak-atrofi ngizdagi go'zal manzaralarni bo'yoqda ishlash, qush va hayvonlarning haykalini plastilin yoki loyda bajarish ham qiziqarlidir. ...