4-sinf Matematika dars ishlanma. Bir xonali songa ko'paytirish

Bir xonali songa ko'paytirish mavzusida dars ishlanma matematika fanidan

Mavzu: Bir xonali songa ko'paytirish Darsning maqsadi: Ta'limiy: o'quvchilarga ko'paytirish bilan qo'shish orasidagi bog'lanish haqida bilim berish. Nur bilan tanishtirish. Mavzu asosida misol, masala yechish. TK1: fikrni mantiqiy izchillikda ifodalay olish; TK2: axborotlarni statistik ma'lumotlar ko'rinishlarning bir turidan boshqa ko'rinishga o'tkaza olish; FK1: murakkab bo'lmagan ko'rinishlarda berilgan ma'lumotlarni o'qiy olish; atrof-borliqdagi sodda obyektlarni geometrik figuralar modellari bilan bog'lay olish, ayrim elementlarini o'lchay oladi va chamalay oladi. Tarbiyaviy: Tabiatni sevishga chaqirish, uni asrashga undash;TK4: atrofdagilar bilan o'zaro muloqot chog'ida odob-axloq qoidalariga rioya qilish va guruhda ishlash. Rivojlantiruvchi: nur haqidagi tasavvurlarini kengaytirish, tabiatda nurga misol topa olish. FK2: o'rganilgan matematik tushunchalar, faktlar va algoritmlarni o'quv vaziyatlarda qo'llay olish va yangi bilimlar hosil qila olish Darsning borishi: tashkiliy qism. Sinf o'quvchilarining soni hisobga olingan holda oldindan turli rangdagi kesma rasmlar tayyorlab qo'yiladi. O'quvchilar ixtiyoriy ravishda xohlagan rangdagi rasmni tanlab oladilar. Natijada psixologik jihatdan xarakter xususiyatlari o'xshash bo'lgan o'quvchilar bir guruhga jamlanadi va ularning hamkorlikda ishlashiga sharoit yaratiladi. Ular tanlagan rasmlarning rangiga qarab guruhlarga ajratiladi va Mozaika usulidan foydalanib qo'llaridagi rasmlardan butun rasm hosil qiladilar.Ana shu rasmga ta'rif beradilar.(sport turlari tasvirlangan rasmlar) 1-guruh:Futbol 2-guruh:Shaxmat 3-guruh:Boks 4-guruh:suzish 5-guruh:Gimnastika 6-guruh:Kurash Guruhlar taqdimot o'tkazishadi.Sport turlariga ta'rif berishadi. Futbol: 1,2,3,sportdadir kuch Yuramiz bardam,qadamlar shahdam. Maysazor maydon bizlarga makon, Mahallamizda to'p urarlar ko'p. Mahoratni ham oshirganmiz xo'p, Himoya,hujum,muxlislar gavjum. O'ynaymiz futbol,qatorlashar gol! Yangraydi ura, g'oliblik zo'r-a! Shaxmat: Oq-qora taxta borar o'qsiz jang, Shoshqaloqlarning holi bo'lar tang. Bayroqdor to'ra yurar serviqor Shohni qo'riqlar farzin hiylakor. Fillar ham jangga turar mudom shay, Piyodalar-chi yugurar tinmay. Bilgingiz kelar,kim g'olib asl? Charxlangan aql ...