1-sinf Matematika 20 ichida misol, masala yechish dars ishlanma

Mavzu: 20 ichida misol, masala yechish. Darsning maqsadi: a) o'quvchilarning 20 gacha bo'lgan sonlar, ular ustidan amallar bajarish yuzasidan olgan bilim, ko'nikma va malakalarni tizimlashtirish va yana bir karra mustahkamlash; b) dars jarayonida o'quvchilarda hayotni to'g'ri tasavvur eta olishga o'rgatish, ularda o'zaro ahillik, mehnatsevarlik, hamjihatlik, topqirlik fazilatlarini tarbiyalash; d) o'quvchilarning bog'lanishli nutqi, eshitish faoliayti, mantiqiy fikrlash qobiliyatini va tafakkurini rivojlantirish. -Korreksion ish olib borish. Dars turi: Noan'anaviy Dars tipi: Mustahkamlash Dars metodi: Ko'rgazmali, (ko'rgazmali metodning illyustrativ ya'ni jadval va demonstrativ ya'ni AKT turi orqali) savol-javob, amaliy. (turli interfaol metodlar va didaktik o'yinlar) Dars jihozi:1-sinf MATEMATIKA darsligi, sanoq cho'plar, harf va sonlar kassasi, AKT mahsuloti, videoroliklar, topshiriqlar kitobchasi, rangli rasmlar. Darsning texnologik xaritasi. Darsning borishi: I.tashkiliy qism: a) salomlashish; b)navbatchi axboroti: -Aziz bolajonlar bugungi darsimiz noan'anaviy tarzda olib boriladi. Bilimingizni sinash va tizimlashtirish uchun sizga bir nechta topshiriqlar beriladi. Har bir topshiriq individual va jamoaviy topshiriqqa bo'linadi. Individual topshiriq ham umumiy tarzda baholanib, a'lo baholar soni ko'p bo'lishi jamoaga ball olib keladi. (O'quvchilarni darsga psixolgik tayyorlash.) (Kommunikativlik kompetensiyalarining elementlarini shakllantirish.) -II.O'tilgan mavzuni mustahkamlash: (O'nlikka birliklarni qo'shib 20 ni hosil qilish, yigirmadan sonni ayirish) -O'tgan mavzumizni mustahkamlashdan oldin sizlarni 2 guruhga bo'lamiz, shiorlarimizni tanlab olamiz. Dars mazmuni va mohiyati tushuntiriladi. 1. Zukkolar guruhi. 2. Donolar guruhi: -Hammaga omad yor bo'lsin bolajonlar. Endi navbat birinchi individual topshirig'imizga. 1-topshiriq: Rassom matematik o'yini. O'tgan mavzu ekrandagi slaydlar orqali mustahkamlanadi. Birma-bir ikki guruh misollarni yechadi va keyingi misolga o'tiladi. Har bir to'g'ri javob uchun rangsiz rasm bo'yaladi. (Fan va texnika yangiliklaridan xabardor bo'lish kompetensiyalarining elementlarini shakllantirish.) ...