4-sinf Tarbiya. Fuqarolik sifatlari

4-sinf tarbiya fani Mavzu: Fuqarolik sifatlari FUQAROLIK SIFATLARI Har bir insonda muomala odobi, qat'iyat, jasorat, tartiblilik singari shaxsiy fazilatlar bo'lishi kerak. Ijobiy fazilatlar insonga yaxshi hayot kechirib, har bir ishda muvaffaqiyat qozonishga yordam beradi. Bundan tashqari, fuqarolik fazilatlari ham bor. Ular nafaqat bir inson, balki butun jamiyat va mamlakat farovonligi uchun ham zarur. Boshqalarni hurmat qilish, halollik, adolatlilik, do'stlik, hamjihatlik - insonlarni bir-birini qo'llab-quvvatlash, Vatanni sevish fuqarolik fazilatlaridir. Fuqarolik fazilatlarimizni namoyon qilish orqali mamlakatimizning gullab-yashnashiga o'z hissamizni qo'shamiz. Hamjihatlik Ajoyib toza havoda velosipedda maza qilib ketayotgan edim. Birdan yo'lda Jamshidni ko'rib qoldim. U nima qilishini bilmay, velosipedini oldida turgandi. Bilsam, velosipediga nimadir bo'lib, yiqilib tushgan ekan. Jamshid bilan ko'p gaplashmayman, epchil bo'lmagani uchun bolalar bilan o'ynashga ham kam chiqadi. Lekin u - a'lochi. Shuning uchun bizni pisand qilmaydi, deb o'ylardim. Shoshayotgan bo'lsam ham, negadir to'xtab, unga yordam bergim keldi. Ikkalamiz ancha urinib, bir amallab, velosipedini tuzatdik. Keyin birga gaplashib ketdik. Ertasi kuni ham uchrashishga kelishdik. Shundan keyin biz do'stlashib oldik. Jamshid har kuni biz bilan birga o'ynaydigan bo'ldi. Ikki haftadan keyin matematikadan murakkab masalani qanday yechishni menga osongina tushuntirib qo'ydi. Masala unchalik qiyin emas, juda qiziqarli ekan. Insonlar ko'pincha bir-biriga xolis yordam beradi. Ya'ni majbur bo'lgani uchun emas, shunchaki yordam bergisi kelgani uchun yordam beradi. Kimdir qiyin ahvolga tushib qolsa, ko'pincha unga yordam berish uchun vaqtimizni ham, kuchimizni ham ayamaymiz, evaziga esa undan hech narsa kutmaymiz. Bunday o'zaro yordam jamiyatning gullab-yashnashiga, unda insonlar o'zini baxtli va kerakli his qilishiga sabab bo'ladi. Aksincha, insonlar bir-birini qo'llab-quvvatlamasa, ahil va hamjihat bo'lmasa, jamiyatda ...