1-sinf O'qish fanidan Bahor keldi dars ishlanmasi

O'ZBEKISTON RESPUBLIKASI XALQ TA'LIMI VAZIRLIGI NAMANGAN VILOYATI To'raqo'rg'on tuman xalq ta'limi bo'limi 36-umumiy o'rta ta'lim maktabi Boshlang'ich sinf o'qituvchisi MAMADALIYEVA NIGORANING 1-SINF O'QISH FANIDAN BAHOR KELDI mavzusidagi yozgаn bir soatlik DARS ISHLANMASI To'raqo'rg'on shahri. Mavzu: Bahor keldi (Vafo Fayzulloh) Darsning maqsadi: Ta'limiy maqsad: o'quvchilarga bahor fasli haqida ma'lumot berish. Bahor keldi matni bilan tanishtirish. FK1: matnni ongli, ifodali o'qiy olish. Tarbiyaviy maqsad: o'quvchilarda tabiatga muhabbat, kuzatuvchanlik hislatlarini tarbiyalash. Tabiat bilan do'stona munosabatda bo'lishga odatlantirish. TK4: matnda tasvirlangan go'zallik va ezgulikka intilish. Rivojlantiruvchi maqsad: o'quvchilarni ifodali o'qish, mustaqil va ijodiy ishlash qobiliyatlarini, lug'at ustida ishlash malakalarini rivojlantirish. FK2: matndagi so'z ma'nolarini izohlay olish. Dars turi: yangi tushuncha, bilimlarni shakllantirish. Dars metodlari: tushuntirish, savol-javob, zanjir usuli, Matndan top o'yini. Dars jihozi: rag'bat gulchalari, bahor fasli tasvirlangan rasmli ko'rgazmalar, multimediya ilovalari. Darsning borishi: 1) Tashkiliy qism: Salomlashish, o'quvchilarni darsga hozirlash. Navbatchi axborotini tinglash. O'quvchilarni 3 guruhga bo'lish. 1-guruh: Bilimdonlar. Shiori: Darsda faol qatnashamiz Barcha fandan bilimdonmiz. 2-guruh: Donolar. Shiori: Qancha bo'lsa savollar Tez topamiz donolar. 3-guruh: Topqirlar. Shiori: Epchil chaqqon chopqirlarmiz Aqli raso topqirlarmiz. Musiqa sadosi ostida sinf xonasiga Bahor malikasi kirib keladi. -Salom aziz bolajonlar, men bugun sizlarni bilim ko'nikmalaringizni nazorat qilib, rag'bat gulchalarim bilan taqdirlayman. O'quvchilar guruhlari uchun belgilangan daraxt rasmiga olgan rag'bat gulchalarini yopishtiradilar. 2. Uy vazifasini so'rash va o'tilgan mavzuni mustahkamlash. O'quvchilarga o'tgan darsda Zikrilla Ne'matning Sakkizinchi mart she'rini yod olib kelish berilgan edi. O'quvchilardan Sakkizinchi mart she'ri Zanjir usuli orqali so'raladi. Har bir o'quvchi 4 qatordan she'rni ifodali yoddan aytadi. O'qituvchi o'quvchilarga o'tilgan mavzu yuzasidan savollar beradi. 1. ...