1-sinf Tabiiy fan Uy hayvonlari va parrandalari dars ishlanma

O'ZBEKISTON RESPUBLIKASI XALQ TA'LIMI VAZIRLIGI Jizzax shahar xalq ta'limi muassasalari faoliyatini metodik tа'minlаsh vа tashkil etish bo'limiga qarashli 17- umumta'lim mаktаbining boshlang'ich ta'lim о'qituvchisi Yunusova Mohira Azimovnaning 1-sinf tabiatshunoslik fanidan 30 nafar o'quvchiga mo'ljallangan Uy hayvonlari va parrandalari mavzusida tayyorlagan 1 soatlik dars Yunusova Mohira Azimovna 1982-yil 20- aprelda Jizzax viloyati G'allaorol tumanida tug'ilgan. Millati o'zbek. JDPI ning boshlang'ich ta'lim metodikasi fakultetini 2004-yilda bitirib, 2006-yildan buyon Jizzax shahar 17-sonli umumta'lim maktabida boshlang'ich sinf o'qituvchisi vazifasida ishlab kelmoqda. So'z boshi Vatanimizning kelajagi, xalqimizning ertangi kuni, mamlakatimizning jahon hamjamiyatidagi obro' - e'tibor, avvalambor, farzandlarimizning unib - o'sib, ulg'ayib, qanday inson bo'lib hayotga kirib borishga bog'liqdir. Islom Karimov. Barchamizga ayonki, inson qalbiga yo'l avvalo, ta'lim-tarbiyadan boshlanadi. Yurtimizda yangi avlod, yangi tafakkur sohiblari tarbiyalashdek, mas'uliyatli vazifani ado etishda, o'quvchilarning har tomonlama yetuk inson bo'lib yetishishida biz-pedagoglarning o'rni beqiyos. Bugungi kun o'qituvchisi, faqatgina, darslikdan foydalanmasdan, ta'bir joiz bo'lsa, o'zi ham har bir dars uchun kichik bir kashfiyotlar yaratilishi kerak. Chunki zamon ilgarilab borayotgan bugungi davr bolasini qirq besh daqiqalik dars mobaynida diqqatini faollashtirib, bilim berish- murakkab jarayon. Shuning uchun darslarda turli ko'rgazmalar va o'yinlar, ilg'or pedagogic texnologiyalarning izchil metodlaridan mohirona foydalanish lozim. O'quvchilarning fikr darajasi, ongi, dunyoqarashlarini o'stirib, ularni mustaqil fikrlaydigan, erkin ishtorokchiga aylantirish nihoyatda muhimdir. O'qituvchi darsda boshqaruvchi, o'quvchilar esa ishtirokchiga aylanishlari kerak. Ana shu vazifani uddalashga innovatsiya faoliyat ustunligi ko'p qirrali samara beradi. Boshlang'ich sinflarda ko'proq bolalarning bilim saviyasini hisobga olish lozim. Ularga oddiy, oson va vaqt kam sarflanadigan o'yin mashqlaridan foydalanib, darslar o'tish yaxshi samara beradi. Ko'proq atrof-muhit bilan bog'liq o'tilgan mashqlar ...