3-sinf Tabiiy Fan (Science) Uy hayvonlari mavzusida dars ishlanma

Qashqadaryo viloyati G'uzor tuman XTBga qarashli 47-umumiy o'rta maktabining boshlang'ich sinf o'qituvchisi RAHIMOVA QIRMIZning tabiat (3-sinf) fani uchun tayyorlagan 1-soatlik dars ishlanmasi MAVZU: 3-SINF Dars mavzusi: Uy hayvonlari Darsning maqsadi: ta'limiy maqsad: o'quvchilarga hayvonot dunyosi, uy hayvonlari va ularning turlari, insonlar hayotidagi ahamiyati haqida to'la ma'lumot berish; tarbiyaviy maqsad: o'quvchilarni yuksak vatanparvarlik ruhida tarbiyalash, ularda ona tabiat va hayvonot dunyosiga bo'lgan mehr-muhabbat tuyg'ularini uyg'otish; v) rivojlantiruvchi maqsad: o'quvchilarni mustaqil va erkin fikrlashga o'rgatish, ijodiy fikrlash ko'nikmalarini takomillashtirish, dunyoqarashini rivojlantirish. Asosiy tushuncha va atamalar: sigir, buzoq, qo'y, qo'zichoq, qo'chqor, qorako'l qo'yi, hisor qo'yi, qorabayir, arabi ot, Vladimir oti, qimiz, toy. O'quvchilar egallashi lozim bo'lgan BKM elementlari: Bilimlar: uyda boqiladigan hayvonlarni bilish; hayvonlarning insonlar uchun foydali jihatlarini bilish; sigirning necha yilda voyaga yetishi, necha litr sut berishi, necha yil umr ko'rishini bilish; sigirni insonlar qanday maqsadlarda boqishlarini bilish; qo'y junidan sanoatda nimalar ishlab chiqarilishini bilish; dunyoda otlarning nechta turi borligini bilish; - ot go'shti va suti haqidagi ma'lumotlarni bilish; - otning bolasi toy haqidagi ma'lumotlarni bilish. Ko'nikma va malakalar: qoramollarning turlarini ajrata olish; qoramollarning nimalar bilan oziqlanishini ayta olish; qo'ylarning turlari, boqilish joylarini ajratish; - otning O'zbekistonda necha xil zoti borligini aytish; otlardan odamlar qanday maqsadda foydalanishlarini aytib bera olish. Darsning metodlari: Aqliy hujum metodi, Nomini top o'yini, SAN texnologiyasi, Olmos strategiyasi. Dars shakli: Suhbat-ma'ruza. Dars usuli: tayyor materiallar va ko'rgazmalar usulida. VII. Darsda qo'llaniladigan vositalar: mol, ot, qo'y va boshqa uy hayvonlarining rasmlari, go'sht va sut mahsulotlarining rasmlari, oq list, marker va hok. IX. Darsning borishi: tashkiliy bosqich: salomlashish, davomatni aniqlash, ...